ЭВЭР I  

1. Амьтны толгойн яснаас ургаж гарсан дотроо тугалмай яслаг зүйл: эвэр ургах (ан амьтны өсөж бойжих дэлгэрэнгүй...үед толгойн оройны хоёр талд тугалмай товойн гарах), эвэр унах (буга, гур, хандгай зэрэг амьтны ясан эвэр нь цусан эвэртээ түлхэгдэн унах), даргай эвэр (хоёр тийшээ далбийж ургасан том саргар эвэр) - Төгрөг сүүлтэй, даргай эвэртэй далбан чихтэй. Халх ардын тууль., төө эвэр (бага залуу амьтны ургаж гүйцээгүй эвэр) - Зүүн хөндийгөөр зүсрэн байдаг, төө эвэртэй, далбан чихтэй. Халх ардын тууль., цусан эвэр (бугынхан овгийн амьтны хуучин эвэр нь унаад дахин шинээр ургаж эхэлж буй үеийн эвэр; эмд хэрэглэнэ), *оонын хоёр эвэр хоёр шиг (хоёулахнаа гэсэн санаа), *шуудайнд хийсэн үхрийн эвэр шиг (эв нэгдэлгүй); *эвэр хошуутай (ховч, элдэв мууг яримтгай) - Эвдрэн яйралдагч орчлонгоос уйдвал, эвэр хошуут нөхдөөс сэрвэл сайн. Д.Равжаа. Дашцэмбэлд зориулсан шүлэг., ишиг эврээ ургахаар эхийгээ мөргөх [зүйр цэцэн үг] (ачийг умартах, даврах, биеэ тоох гэсэн санаа), эвэр багатын олих их, эрдэм багатын омог их [зүйр цэцэн үг](юм мэдэхгүй хэр нь омогшин ихэмсэглэх гэсэн санаа);

---

2. Эврээр хийсэн эдлэл хэрэглэл: эвэр сам (юм шүүрдэх зориулалтаар амьтны эврээр хийсэн олон шүд бүхий сам), дэлгэрэнгүй...эвэр хүрээтэй шил (эврээр хийсэн хүрээ бүхий шил) - Түүний нүд эвэр хүрээтэй хар шилний цаанаас ер харагддаггүй билээ. Г.Гофман. Хар генерал., эвэр дэгээ (ооно, гурын гавалтай эврээр хийсэн юм өлгөх хэрэгсэл);

---

3. Хорхой шавжийн толгойд ургасан эвэр шиг хатуулаг зүйл;

---

4. [нутгийн аялгуу] Хүүхдийн хөхөл, шувууны өвөг: хүүхдийн эвэр (монголчууд хүүхдээ нэг нас хүрэхэд нь сэвлэгийг нь аваад, толгойны дэлгэрэнгүй...оройны хоёр талд үлдээсэн урт үс).

---

• эвэр ургах - ан амьтны өсөж бойжих үед толгойн оройны хоёр талд тугалмай товойн гарах
• даргай эвэр - хоёр тийшээ далбийж ургасан том саргар эвэр
• төө эвэр - бага залуу амьтны ургаж гүйцээгүй эвэр
• цусан эвэр - бугынхан овгийн амьтны хуучин эвэр нь унаад дахин шинээр ургаж эхэлж буй үеийн эвэр эмд хэрэглэнэ
• оонын хоёр эвэр хоёр шиг - хоёулхнаа гэсэн санаа
• шуудайд хийсэн үхрийн эвэр шиг - эв эегүй, эв нэгдэлгүй, эв түнжингүй, найргүй
• эвэр хошуутай - ховч, элдэв мууг яримтгай
• ишиг эврээ ургахаар эхийгээ мөргөх - ачийг умартах, даврах, биеэ тоох гэсэн санаа
• эвэр багатын олих их эрдэм багатын омог их - юм мэдэхгүй хэр нь омогшин ихэмсэглэх гэсэн санаа
• эвэр сам - юм шүүрдэх зориулалтаар амьтны эврээр хийсэн олон шүд бүхий сам
... үргэлжлүүлэн харах ...
эвэр хүрээтэй шил - эврээр хийсэн хүрээ бүхий шил
эвэр дэгээ - ооно, гурын гавалтай эврээр хийсэн юм өлгөх хэрэгсэл
хүүхдийн эвэр - монголчууд хүүхдээ нэг нас хүрэхэд нь сэвлэгийг нь аваад, толгойны оройны хоёр талд үлдээсэн урт үс

---

Ижил үг

ЭВЭР II

ЭВЭР III

Холбогдох зураг одоогоор алга байна.