ШУУГИХ  

1. Олон буюу их юмны үргэлжилсэн нүргээнтэй чимээ гарах: айраг шуугих (айраг хүчтэй исэж чимээ дэлгэрэнгүй...гарах) - Гэрт хэн ч алга, гагцхүү шуусан хаяаны тэндээс, иссэн айргийн шуугих чимээ сонстон, тасхийсэн үнэр сэнгэнэнэ. Д.Гарамжав. Нэгэн өглөө., ой мод шуугих (ой мод салхины аясаар хөдлөх чимээ гаргах), салхи шуугих (салхины хүчтэй үлээх чимээ гарах) - Ширүүн нисэлтэд салхи шуугихын хажуугаар, өлссөн бүргэдийн эвэр хошуу ангалзаж харагдав. Ц.Дамдинсүрэн. Түүвэр зохиол., ус шуугин урсах (ус чимээ ихтэй урсах) - Гол ус бүхэн мяралзан шуугьж, түмэн төрлийн жижиг шувууд хөг нийлүүлэн жиргэн байх нь соньхон. “Утга зохиол урлаг” сонин., хүүхэд багачууд шуугих (хүүхэд багачуудын үймээн чимээ гарах) - Хүүхдүүд шуугьж, хойд дэнж дээр сэтгэлт хосууд зэрэгцэн суусан, хүмүүс соёлын ордонд кино ший үзэхээр бужигнаж байдгаараа л байна. С.Лочин. Сэтгэлийн өнгө., инээж шуугих (олон хүн инээж наадах) - Инээж шуугьсан энэ олон залуучуудын дунд байхад үнэхээр сайхан. Ч.Чимид. Хавар намар., үймүүлж шуугих (сахилгагүйтэх) - Заримдаа хичээлээс хожимдох, гэрийн даалгавар хийлгүй ирэх, хичээл дээр үймүүлж шуугих аль аль нь манай ангид байсан л даа. С.Лочин нар. Галтай залуу нас., шуугих шаагих [хоршоо] (үргэлжилсэн их чимээ шуугиан гарах) - Мал эзнийхээ гэр босчихоод байхад хүртэл таашаалгүй хотондоо тогтохгүй шуугин шаагин гүйж бэлчээд байх ч бий. Б.Бааст. Алтайн хөх дөнөн;

---

2. Аливаа сайн муу үйл явдлын тухай олноороо хэлэлцэх - Ер нь юу юу гэж шуугих бол доо! Гээд Дулмаа, нүдний нулимс цайруулав. дэлгэрэнгүй...style="font-size: 10px;">Б.Бааст. Алтайн хөх дөнөн., зуд болно гэж шуугих (зуд болно гэж олноороо хэлэлцэх), баяжсан гэж шуугих (хэн нэгнийг баяжсан гэж олноороо хэлэлцэх), үхсэн гэж шуугих (хэн нэгнийг үхсэн гэж олноороо хэлэлцэх).

---

• айраг шуугих - айраг хүчтэй исэж чимээ гарах
• ой мод шуугих - ой мод салхины аясаар хөдлөх чимээ гаргах
• салхи шуугих - салхины хүчтэй үлээх чимээ гарах
• ус шуугин урсах - ус чимээ ихтэй урсах
• хүүхэд багачууд шуугих - хүүхэд багачуудын үймээн чимээ гарах
• инээж шуугих - олон хүн инээж наадах
• үймүүлж шуугих - сахилгагүйтэх
• шуугих шаагих - үргэлжилсэн их чимээ шуугиан гарах
• зуд болно гэж шуугих - зуд болно гэж олноороо хэлэлцэх
• баяжсан гэж шуугих - хэн нэгнийг баяжсан гэж олноороо хэлэлцэх
... үргэлжлүүлэн харах ...
үхсэн гэж шуугих - хэн нэгнийг үхсэн гэж олноороо хэлэлцэх

Холбогдох зураг одоогоор алга байна.