ШАВЖ (амьтан)  

Үе хөлтний хүрээний нэг анги, 1,5-2 сая зүйлтэй, биеийн урт нь 0,2 мм-33 мм, олонх нь далавчтай, голдуу газар дээр дэлгэрэнгүй...хааяа цэнгэг усны орчимд амьдардаг, биеийн галбир, өнгө, амьдахуйн хэлбэрээрээ нэн олон янз, орчны зүй, хүн нийгмийн амьдралд асар өргөн олон талын холбогдолтой: шавж арилгах (шавж устгах), шавж идэштэн (шавжаар хооллодог амьтад), шавж судлаач (шавж судлалд мэргэжсэн хүн), шавж судлал (шавж судлах шинжлэх ухаан), шавж устгал (халдвар тараагч шумуул, жоом, бясаа, хачиг бөөс, бүүрэг зэрэг шавжийг биологийн болон физик химийн аргаар үгүй болгох үйл ажиллагаа), хорхой шавж [хоршоо] (үет хөлт, нугалмайт амьтан ба нугалмайгүйтний ерөнхий нэр) - Хорхой шавжинд ч хоргүй явсан гэмгүй өчүүхэн намайг торгуулийн малын өрөнд барьж, улмаар дам өрөнд өгч суллах цаггүй өчнөөн жил болсон. Б.Чойндон. Галбын говьд.

• шавж арилгах - шавж устгах
• шавж идэштэн - шавжаар хооллодог амьтад
• шавж судлаач - шавж судлалд мэргэжсэн хүн
• шавж судлал - шавж судлах шинжлэх ухаан
• шавж устгал - халдвар тараагч шумуул, жоом, бясаа, хачиг бөөс, бүүрэг зэрэг шавжийг биологийн болон физик химийн аргаар үгүй болгох үйл ажиллагаа
• хорхой шавж - үет хөлт, нугалмайт амьтан ба нугалмайгүйтний ерөнхий нэр