Ган суулгасан саран сүхний хэлбэртэй төмөр дээр уул, цахиур агуулах зориулалт бүхий ширэн сав хадаж, сэнж оосор дэлгэрэнгүй...гаргасан, гал ноцоох хэрэглэл: хэт цахих (хэт хавирах) - Лавлан харахаар хэт цахитал хажууханд нь нэг хүн сэрж, чи яагаад байна? гэж нойрмоглон асуув. Л.Түдэв. Алтан гадас чигийг заана., хэт цохих (хэт цахих), хэт хавирах (уулыг цахиурт наалдуулан барьж, хэтийг хавиран гал гаргаж ноцоох), хэтний гэр (хэтний улавч), хэтний дэл (саран сүхний хэлбэр бүхий гантай төмөр), хэтний тээг (хэтний оосрын үзүүрт дүүжилж, хэтийг бүсэнд хавчуулахад тээглүүлдэг хэрэгсэл) - Энэ үед Содномдагва үнэхээр хөх дээлтэй, хэтний тээгээ дунгийн ясаар хийж ар бүсэндээ хавчуулж явсан тул дайсан түүгээр нь баримжаа авчээ. Ж.Дамдин. Үймээний жил., хэтний улавч (хэтний улыг бэхлэн хадсан бөгөөд уул өвс болон цахиурыг агуулах бяцхан сав), хэтний уул (хэт цахиж гар гаргахад хэрэглэдэг уул өвс), хэтний хараа (хэтний ул төмрийг улавчинд хавчуулан хажлага болгон хадах төмөр, мөнгө зэрэг), хэт бэл [хоршоо] (гал ноцоох хэрэглүүр) - Том мөнгөн хэт бэлээ бүснээсээ сугалан гарт нь бариулж аргадав. Ж.Пүрэв. Гурван зангилаа., хэт хутга [хоршоо] (гал ноцоож асаах хэрэгсэл болон юм огтлох ирт зэвсэг) - Энэ хэт хутга чинь Жамдагийн хийсэн эд үү? утас шиг нарийхан сийлбэртэй болж дээ гэлээ. С.Удвал. Их хувь заяа., хэт цахиур [хоршоо] (гал гаргах хэрэглэл) - Бүснээс нь хэт цахиурыг авч аяархан цахиж гэрэлд нь майхан доторхыг харав. Л.Түдэв. Алтан гадас чигийг заана., хээрийн хүн хээгүй, хэтний галд утаагүй [зүйр цэцэн үг] (хээр хөдөө явж байхад эрээлхэж нэрэлхэх хэрэггүй гэсэн санаа), хэт хутгаа солилцож хэв ёсоо ололцох [зүйр цэцэн үг] (ёс төр гүйцэтгэх гэсэн санаа).
Ижил үг