ХЭДИЙ  

1. Юмны тоо хэмжээ, хугацааг асуух төлөөний үг: хэдий чинээн юм бэ? (хэчнээн тоотой юм бэ?),дэлгэрэнгүй... хэдийд ирэх вэ? (хэзээ ирэх юм бэ?), хэдийд явах вэ? (хэзээ явах вэ?), эндээс хэдий хол вэ? (эндээс хэр зэрэг хол вэ?);

---

2. Дурдсан юмны мөн чанарыг зааж, утгыг илэрхийлэхэд хэрэглэх үг дэлгэрэнгүй...- Арандалын нүд хэдий гярхай ч гэсэн зовлонт хүний сэтгэлийн гүнд нэвтэрч, санаа бодлыг нь харж чадсангүй. Б.Нямаа. Арандалынхан., Өөрөө хэдий амиа алдсан ч, өрөөл бусдад амьдрал өгсөн юм. Д.Пүрэвдорж. Нар тойрсон зам., давс хэдий шорвог ч болов идээнд найралтай, найр наадам хэдий цэнгэлтэй боловч ажилд саадтай [зүйр цэцэн үг] (юмны хэр хэмжээг тохируулж байх гэсэн санаа), хэдийвээр (юмыг заагаад тайлбарлан эсэргүүцэхэд хэлэх үг) - Би элдвийг бодсоор энэлэн шаналан буцаж явахдаа хэдийвээр эргэж харах ёсгүй байсан боловч өөрийн эрхгүй эргэн харав. Ж.Дамдин. Үймээний жил., хэдийгээр (а. Хэзээ - Ингэхэд ус ер нь хэдийгээр татрах бол? Д.Мягмар. Уянгын туужууд; б. Хэдийвээр - Баатар хэдийгээр нүдээ аньсан боловч энэ мэтийн бодлууд хойно хойноосоо нь дараалан орж ирэв. Н.Банзрагч. Тал нутгийн хавар), та хэдийгээр явах вэ? (та хэзээ явах вэ?), хэдийд (ямар нэгэн үйл явдлын болсон буюу болох цагийг асуух төлөөний үг) - Энэ чинь хэдийдээ надтай ийм үй зайгүй найз болчихсон юм болоо? С.Лочин. Сэтгэлийн өнгө;

---

3. Нэлээд - Би түүний захисан зүйлийг хэдий ирээд олж чадсангүй. дэлгэрэнгүй...Яриа.

---

• хэдий чинээн юм бэ - хэчнээн тоотой юм бэ
• хэдийд ирэх вэ - хэзээ ирэх юм бэ
• хэдийд явах вэ - хэзээ явах вэ
• эндээс хэдий хол вэ - эндээс хэр зэрэг хол вэ
• давс хэдий шорвог ч болов идээнд найралтай найр наадам хэдий цэнгэлтэй боловч ажилд саадтай - юмны хэр хэмжээг тохируулж байх гэсэн санаа
• хэдийвээр - юмыг заагаад тайлбарлан эсэргүүцэхэд хэлэх үг
• хэдийгээр -

  а. Хэзээ - Ингэхэд ус ер нь хэдийгээр татрах бол; Д.Мягмар. Уянгын туужууд; б. Хэдийвээр - Баатар хэдийгээр нүдээ аньсан боловч энэ мэтийн бодлууд хойно хойноосоо нь дараалан орж ирэв. Н.Банзрагч. Тал нутгийн хавар.

• та хэдийгээр явах вэ - та хэзээ явах вэ
• хэдийд - ямар нэгэн үйл явдлын болсон буюу болох цагийг асуух төлөөний үг

Холбогдох зураг одоогоор алга байна.