1. Бахдан дурших сэтгэл төрөх, эрмэлзэх, мөрөөдөх, горилох: хүсэж мөрөөдөх (өнгөрсөн явдлыг дэлгэрэнгүй...эргэцүүлэн бодож дахин биелэхийг эрмэлзэн санаашрах) - Тэр дээлийг нь хийгээд ирүүлнэ гэж Норжингийн хэлэх нь Хүрлээгийн хүсэж мөрөөдөж ирсэн бүх хэргийн хариу болов. П.Хорлоо. Багш., хүсэж эрмэлзэх (ихэд хүсэх, дандаа бодож явах), хүсэн хүлээх (ихэд мөрөөдөн хүлээзнэх) - Хэд хоног өнгөрөхөд унаганууд маань ногт зэлэндээ дасаж, айраг маань сүрхий иссэн боловч бидний хүсэн хүлээсэн оюутнууд ирээгүй л байлаа. Б.Догмид. Цэнхэрлэн харагдана., дэмжлэг хүсэх (туслахыг гуйх) - Гэвч дэмжлэг хүссэн ариун санааг минь буруу талаас нь нудрах тун эвгүй байх юм. Ч.Лодойдамба. Тунгалаг Тамир., мэдэхийг хүсэх (тухайн зүйлийг мэдэж авахыг эрмэлзэх) - Хуучин шинэ элдэв сониныг бие биеэс асууж мэдэхийг хүснэ. С.Буяннэмэх. Түүвэр зохиол., уучлал хүсэх (буруугаа хүлээх) - Яарч яваагаа хэлээд, уучлал хүсээд бослоо. Л.Дашням. Бурхантын цэцэг., шагнуулахыг хүсэх (нэр алдар, шагнал урамшуулал горилох) - Тэр ч байтугай түүний их гавьяаг илэрхийлэн, тийнхүү алагдсан газарт нь хөшөө байгуулан, баатар цолоор нэхэн шагнуулахыг хүснэм. Ж.Дамдин. Үймээний жил., эрдмийг хүсэх (их зүйл мэдэхийг хичээх), эрхэмлэн хүсэх (хүндэтгэн гуйх) - Эрхэмлэн хүсэж явсан хүнээсээ ийм зэмлэл сонсоод Цэвэл сэтгэл зовон ичингүйрч бараг л хэлгүй хүн шиг болчихлоо. Л.Түдэв. Нүүдэл., эхийгээ хүсэх (ижийгээ санах) - Хүүгээ хүссэн эх, эхийгээ хүссэн хүү хоёрын сэтгэл нэг байдаг билээ. Д.Цэвэгмид. Зохиолын түүвэр., хүсэхэд хясах (а. Санаж сарвайж байхад өмнөөс нь хяхах; б. Бүтмээр байхад гэнэт бэрхшээл тохиолдох), хүссэн юм хүзүүгээр татах, гүжрийн үг толгойгоор татах [зүйр цэцэн үг] (хүсэл биелэх гэсэн санаа);
2. Өөрийн эрмэлзлэлийг илтгэх, гуйх -
Би сургуульд оруулж өгөхийг, танаас хүсэж байна. Яриа.
