ХҮРЗ  

1. Юмыг ухаж малтах, хутгах, хамах, хусах багаж дэлгэрэнгүй...- Зайтай тусмаа сайн гээд намайг пинд орж хүрз, лоом, сүх аваад алхвал, өвөө маань, миний хойноос алхав. Б.Сосорбарам. Очсын хүрээлэн., хүрзний иш (хүрзний онгинд урласан урт мод) - Би бага зэрэг бөхийж, хүрзнийхээ ишийн нэлээд хойноос барив. С.Лочин. Сэтгэлийн өнгө., хүрзний толгой (а. Хүрзний гол бие болох онги гаргаж иш угласан, үзүүртээ нимгэн иртэй хавтгай төмөр; б. Модон хүрзний юм хутгах өргөн тал), байман хүрз (том хүрз) - Нүдэнд минь том байман хүрз бариад цемент, элс холин нухаж буй бор хүүхэн тодрон, над руу харин инээмсэглэж харагдав. Л.Дашням. Бурхантын цэцэг., модон хүрз (модоор их биеийг нь хийсэн хүрз) - Хониныхоо шавхайг эврэхээс нь өмнө хусахаар модон хүрз авч хашаанд орлоо. Д.Мягмар. Уянгын туужууд., хүрз зээтүү [хоршоо] (газар ухах багаж зэвсэг);

---

2. Хүрзэнд багтах хэмжээ: нэг хүрз шороо хаях (нэг хүрзэнд багтах хэмжээтэй шороо хаях).

---

• хүрзний иш - хүрзний онгинд урласан урт мод
• хүрзний толгой - а. Хүрзний гол бие болох онги гаргаж иш угласан, үзүүртээ нимгэн иртэй хавтгай төмөр; б. Модон хүрзний юм хутгах өргөн тал
• байман хүрз - том хүрз
• модон хүрз - модоор их биеийг нь хийсэн хүрз
• хүрз зээтүү - газар ухах багаж зэвсэг
• нэг хүрз шороо хаях - нэг хүрзэнд багтах хэмжээтэй шороо хаях

Холбогдох зураг одоогоор алга байна.