ХҮНГҮЙ  

1. Хүн байхгүй, эзгүй -дэлгэрэнгүй... Цэрэнгийн нэрийг зурхайч гутаасан тул авах хүн олдохгүй, эцэг эхээс өөр хэрэглэх хүнгүй байжээ. Ц.Дамдинсүрэн. Гологдсон хүүхэн., хүнгүй айл (эзгүй айл), хүнгүй газар (хүн амьтангүй, зэлүүд нутаг) - Хайран мөнгө, за чамайг би хүнгүй газар дайралдвал учрыг олно гэж Очир занаж хоцров. С.Удвал. Их хувь заяа., хүнгүй гудамж (хүн багатай, хүний хөл хөдөлгөөн багатай гудамж)-Ялаа батгана бужигнах хүнгүй гудамжийг хэрэн нисэх зарим хэрээний цусанд нэвтэрсэн хошуу улаан байхыг би харж явлаа. Д.Маам. Тэмээний дууль., хүнгүй газар биеэ шинж, хүнтэй газар үгээ шинж [зүйр цэцэн үг] (Хаа ч явсан өөрийгөө хянаж, биеэ мэдэж яв гэсэн санаа);

---

2. Хүн бүл дутмаг: хүнгүй болох (хүн бүл дутмаг болох) -дэлгэрэнгүй... Манай нутгийн лам нар уншаад уншаад бүтэхгүй байна, хүүхэд тогтохгүй хүүхэдтэй айл ховор, ингэсээр байтал мал хариулах хүнгүй болох нь. С.Удвал. Их хувь заяа., халамжлах хүнгүй (хань ижил, үр хүүхэдгүй) - Ийм амьтад чинь одоо харж хандах, асарч халамжлах хүнгүй яах болж байна? Л.Дашням. Бурхантын цэцэг;

---

3. Бүгд - Шидэхэд их дэлбэрэлтийн хүчинд морь хүнгүй бут үсрэн үхэж харагдах нь аймшигтай аж. Н.Батбаяр. дэлгэрэнгүй...Өндөрт хатгасан туг.

---

• хүнгүй айл - эзгүй айл
• хүнгүй газар - хүн амьтангүй, зэлүүд нутаг
• хүнгүй гудамж - хүн багатай, хүний хөл хөдөлгөөн багатай гудамж
• хүнгүй газар биеэ шинж хүнтэй газар үгээ шинж - Хаа ч явсан өөрийгөө хянаж, биеэ мэдэж яв гэсэн санаа
• хүнгүй болох - хүн бүл дутмаг болох
• халамжлах хүнгүй - хань ижил, үр хүүхэдгүй

Холбогдох зураг одоогоор алга байна.