ХҮЛЭЭЛГЭХ  

1. Удтал хүлээж, саатахад хүргэх: хүмүүсийг хүлээлгэх (хүмүүсийг удтал саатахад хүргэх) дэлгэрэнгүй...- Сэтгэл их догдолж хэлэх үг цөөдөж байна, та нарыг хүлээлгэж цаг алдуулсан болов уу, одоо хөдөлбөл ямар вэ? гэв. С.Удвал. Их хувь заяа;

---

2. Албан ёсоор гардуулан өгөхдэлгэрэнгүй... - Магсаржав асартаа На ван, Манлайбаатар нарыг урьж, идээ сархдаар дайлан, На ванд Ховдын жасаа тамгыг хадаг дээр тавин хүлээлгэн өгч ёслол гүйцэтгэн тарцгаалаа. С.Удвал. Их хувь заяа., ажлаа хүлээлгэн өгөх (хийж байсан ажлаа албан ёсоор орны хүндээ шилжүүлэх) - Дангаа чи энэхүү нөхөр Шинэнд албан хэргээ хүлээлгэн өгөөд аймгийн төвд яаралтай ир! гэсэн байв. Ц.Уламбаяр. Зовлон жаргал;

---

3. Зөвшөөрөн хүлээлгэхэд хүргэх: итгэл найдвар хүлээлгэх (бусдад итгэл найдвар тавих, итгэж найдаж буйгаа илэрхийлэх) дэлгэрэнгүй...- Дэлхий дээр хамгийн том зуух барих их итгэл найдварыг манай хамт олонд хүлээлгэсэн юм. М.Чойжил. Андын нутаг алсдахгүй., хэрэг хүлээлгэх (буруутайг зөвшөөрүүлэх) - Тэдний бурангуй харгис явдлыг илчлэн гаргаж нэр бүхий этгээдүүдэд хэрэг хүлээлгэн шаахайдуулж байсан удаатай. Ц.Уламбаяр. Зовлон жаргал., ялыг нь хүлээлгэх (хийсэн хэргийг нь зөвшөөрүүлэх).

---

• хүмүүсийг хүлээлгэх - хүмүүсийг удтал саатахад хүргэх
• ажлаа хүлээлгэн өгөх - хийж байсан ажлаа албан ёсоор орны хүндээ шилжүүлэх
• итгэл найдвар хүлээлгэх - бусдад итгэл найдвар тавих, итгэж найдаж буйгаа илэрхийлэх
• хэрэг хүлээлгэх - буруутайг зөвшөөрүүлэх
• ялыг нь хүлээлгэх - хийсэн хэргийг нь зөвшөөрүүлэх

Холбогдох зураг одоогоор алга байна.