ХҮЙТ I  

Хүйтэн: хүйт авах (салхи авах, салхинд цохиулах), хүйт даах (а. Хүйтэнд тэсвэрлэх; дэлгэрэнгүй...б. Хүйтэн жиндүү болох) - Агшин зуур хүйт даагаад бие нь чичрэв. Д.Содномдорж. Түм буман хүүхэд., хүйт оргих (а. Бага зэрэг даарах буюу биед хүйтэн байдал мэдрэгдэх - Миний бүх л бие хөрж, дотор хүйт оргино. С.Лочин. Сэтгэлийн өнгө; б. Сэтгэл эвгүйцэх - Ар зоо хүйт оргин, хайнагийн шарын хурц үзүүртэй сэлмэн эвэр нүдэнд харагдаад өмнөх газар эрээлжлэн байв. С.Лочин нар. Галтай залуу нас), хүйт орох (а. Хүйтэн байдалтай болох, хүйтрэх; б. Хүйт эхлэх) - Намрын жихүүн хүйт орсон зэврүүн үдэш гүйж явахад хөл хөнгөн ч өнгө нь товууцсан газарт товхтой гутал нь морин туурай шиг тов тов хийн сэтгэлд түгшүүртэй. Б.Өлзийсүрэн. Замын хүзүү., хүйт татах (жавар эхлэх, хүйтэн оргих) - Голын ус сайн халж амжаагүй дотор руу хүйт татан сэнгэнэж байв. П.Лувсанцэрэн. Хөдөөгийн дуун., хүйт эхлэх (өвлийн туйл болж есөн есийн наян нэгэн хоногийг тоолж эхлэх) - Мөр дарга бид хоёр өвлийн ид хүйт эхэлсэн цагт Хүрээнээс хойш яаран мордож одлоо. Ж.Дамдин. Үймээний жил.

• хүйт авах - салхи авах, салхинд цохиулах
• хүйт даах - а. Хүйтэнд тэсвэрлэх; б. Хүйтэн жиндүү болох
• хүйт оргих -

  а. Бага зэрэг даарах буюу биед хүйтэн байдал мэдрэгдэх; б. Сэтгэл эвгүйцэх.

• хүйт орох - а. Хүйтэн байдалтай болох, хүйтрэх; б. Хүйт эхлэх
• хүйт татах - жавар эхлэх, хүйтэн оргих
• хүйт эхлэх - өвлийн туйл болж есөн есийн наян нэгэн хоногийг тоолж эхлэх

ХҮЙТ II