ХУЧЛАГА  

1. Дах, дээл, хөнжил зэрэг хучих юмны ерөнхий нэр: хучлага зузаалах (хучих зүйлээ зузаан болгох, дэлгэрэнгүй...давхарлах) - Баруугаар нь орны наагуур хоёр давхар гудсан дээр, дээрээсээ хучлага зузаалж, тэрлэгээр толгойгоо бүтээн хэвтэж байгаа нэг хүн харагдав. Б.Ринчен. Сандо амбан., хучлагаа хураах (хучсан зүйлээ эвхэж тавих), хучлагаа тийчих (хучлагаа хөлөөрөө ярах) - Хөлөрсөндөө, хучлагаа тийчсэнийг эх Бодь засаж өгч байв. Ц.Уламбаяр. Зовлон жаргал., дэвсгэр хучлага [хоршоо] (дэвсэх, хучих зүйлийн ерөнхий нэр) - Өглөө нь дэвсгэр хучлагаа гэрийн баруун талын намхан хайрцаг дээр хураадаг байлаа. П.Лувсанцэрэн. Хөдөөгийн дуун., хучлага хөнжил [хоршоо] (хучих юм);

---

2. Цас борооноос хамгаалсан зүйл: аргалын хучлага (аргалыг цас, борооноос хамгаалсан зүйл), дэлгэрэнгүй...бэхлэлтийн хучлага (бэхлэлтийг далдалж хийсэн зүйл) - Дангаа хучлагад шурган, янгинан өвтгөж байгаа хүлгээ шүдээрээ султгав. Ц.Уламбаяр. Зовлон жаргал.

---

• хучлага зузаалах - хучих зүйлээ зузаан болгох, давхарлах
• хучлагаа хураах - хучсан зүйлээ эвхэж тавих
• хучлагаа тийчих - хучлагаа хөлөөрөө ярах
• дэвсгэр хучлага - дэвсэх, хучих зүйлийн ерөнхий нэр
• хучлага хөнжил - хучих юм
• аргалын хучлага - аргалыг цас, борооноос хамгаалсан зүйл
• бэхлэлтийн хучлага - бэхлэлтийг далдалж хийсэн зүйл

Холбогдох зураг одоогоор алга байна.