ХУУЧРАХ  

1. Өдөр хоног өнгөрч юмны шинж чанар хувирч хуучин болох: хуучирч үнгэгдэх (эд зүйл удаж үнгэгдэх) дэлгэрэнгүй...- Тэрээр хуучирч үнгэгдсэн ном дэлгэн харандаа цаас зэхэв. Л.Түдэв. Нүүдэл., хуучирсан үг хэллэг [хэл шинжлэл] (идэвхтэй хэрэглэгдэхээ больсон үг хэллэг), будаг нь хуучрах (будаг нь гандаж мэдэгдэхгүй болох) - Жадарын гүүр гэгч, улаан тосон будаг нь хуучран цайвар ягаан болсон модон гүүрийг чиглэн, нэг хүн бүртэлзэн гүйнэ. Ч.Лодойдамба. Тунгалаг Тамир., дээл хуучрах (дээл хуучин болох), малгай хуучрах (малгай хуучин болох) - Тэр хүний байдлыг үзвээс, хувцас ядуу, шаахай элэнхий майжгий, толгойдоо бичгийн хүний элэгдэн хуучирсан малгай өмсжээ. Б.Ринчен. Сандо амбан., хоол хуучрах (хийсэн хоол удаж муудах);

---

2. Цаг хугацаа удаж улирах: цаг үе хуучрах (цаг хугацаа улирах);

---

3. Орчин үеийн байдалд тохирохгүй болох дэлгэрэнгүй...- Тэндээс цаашлан баахан явж үзвэл, хотын байдал манай 9 гудамж, хуучин хүрээний наймаа хот, Улиастайн наймаа хот адил байшин барилга нэлээд хуучирсан байдалтай харагдана. Б.Ринчен. Өмнө этгээдэд зорчсон тэмдэглэл., хувцасны янз хуучрах (хувцасны хийц маяг нь орчин үедээ тохирохгүй болох, хоцрогдох).

---

• хуучирч үнгэгдэх - эд зүйл удаж үнгэгдэх
• хуучирсан үг хэллэг - идэвхтэй хэрэглэгдэхээ больсон үг хэллэг
• будаг нь хуучрах - будаг нь гандаж мэдэгдэхгүй болох
• дээл хуучрах - дээл хуучин болох
• малгай хуучрах - малгай хуучин болох
• хоол хуучрах - хийсэн хоол удаж муудах
• цаг үе хуучрах - цаг хугацаа улирах
• хувцасны янз хуучрах - хувцасны хийц маяг нь орчин үедээ тохирохгүй болох, хоцрогдох

Холбогдох зураг одоогоор алга байна.