1. Олноороо цуглан хийх найр наадам: гэрийн хурим (шинэ гэр барьсны найр), дэлгэрэнгүй...нэрийн хурим (нэр өгөхийн найр), хүүхдийн хурим (үр хүүхэдтэй болсны найр), баяр хурим [хоршоо] (наадам цэнгэл);
2. Ураг барилдах ёслолын найр:
хурим болох (хурим хийх),
хурим той [хоршоо] (гэрлэх ёслол, гэр бүл болсны баяр)
дэлгэрэнгүй...- Үнэн төр хоёул бээр их хурим тойн их буудлыг бэлтгэн хараахан дөрвөн зүгээс ирсэн зочдыг буудалд хонь үхэр, цай тос хуваан хүргүүлье. В.Инжаннаши. Хөх судар., хурим хийх (а. Ураг барилдах найр ёслол явуулах - Тэр хурим бол Луу гүний гэрлэлтээс илүү байх ёстой гэж бодож байлаа. Ч.Лодойдамба. Тунгалаг Тамир; б. Найрлах), хуримд уригдах (хуримд хүндэтгэлтэйгээр зочлон очих) - Хожим сонсвол нэгдлийн дарга хуримд уригдан очиж найрлаад их л урам зориг, баяр баясгалантай буцсан гэнэ лээ. Т.Рэнцэн. Шинэ даваа., хуримын бэлэг (хуримд оролцогсдын хүүхэн хүргэн хоёрт бэлэг болгон өгөх эд зүйлс), хуримын дуу (хурим найр дээр дуулдаг төв ёсны дуу), хуримын зар (хуримын тов, мэдээ) - Хишиг-Өлзий ноёны чандлан базааж бэр буулгасан хуримын зар хүний өөрийн хошуунд хуй салхин мэт тархана. З.Баттулга. Уяхан замбуутив., хуримын идээ (хурим найрын зоог) - Хурсан бүгд төгс жаргалтай, хуримын идээ бүрэн амттай, хувьтай цэнгэл бүрдсэн. Ц.Дамдинсүрэн. Түүвэр зохиол., хуримын ёс (хуримын зан үйл) - Та хоёрын сүмд ёслох ёслол бас миний ардын хуримын ёс. Д.Маам. Тэмээний дууль., хуримын ерөөл (гэр бүл болж буй хосын амьдралд сайн сайхныг хүссэн ерөөл) - Элбэг баян хуримын ерөөл сонсохоос нь урьтаж ирэв. Ч.Лхамсүрэн. Хурандаа., хуримын өдөр (хурим хийх өдөр) - Миний хуримын өдөр бол ээжийн минь баярын өдөр байлаа. Л.Дашням. Нялх ногоо., хуримын хувцас (гэрлэх үедээ өмсөх ёслолын хувцас) - Хуримын хувцас өмссөн залуу хостой ярьж байна. М.Чойжил. Андын нутаг алсдахгүй., хуримын хэлмэр (хуримын зан үйлд холбогдсон ерөөж магтах аялга бүхий дуун маргааны хэлбэрээр хэлэгддэг шүлэглэл), хуримын хэлмэрч (хуримын хэлмэрийг хэлдэг хүн), хуримын ширээ (хуримд ирсэн зочдыг дайлах идээ будаа, архи дарс бүхий ширээ) - Базаасан хуримын ширээнээ сууцгаасан байлаа. Ц.Дамбадорж. Толбо нуур., хуримын юм (хуримлахад хэрэглэх эд зүйл) - Хот газар очоод, хуримын юмаа бэлтгэе. Д.Нацагдорж. Учиртай гурван толгой., гэрлэх хурим (эр эм болсны баяр) - Өнөө орой үдшийн мөргөлийн сүүлээр, гэрлэх хуримыг чинь хийе. “Цог” сэтгүүл., найр хурим ~ хурим найр [хоршоо] (ураг барилдсаны ёслолын дайллага, цайллага) - Баг сумын наадам юм уу хурим найранд хоргой торго өмсөж, алт сувд зүүж, найман лангийн баавартай эмээл тохож явахаас өөр цэнгэлгүй. С.Эрдэнэ. Өгүүллэгүүд., хурим хуй [хоршоо] (ургийн хурим), дуутай тэнгэр хургүй, цуутай хүүхэн хуримгүй [зүйр цэцэн үг] (а. Дуу шуугиантай эхэлсэн ажил хэрэг тэр бүр бүтэлтэй төгсдөггүй; б. Сайхан хүүхний гэр бүлийн амьдрал тэр бүр аз жаргалтай байдаггүй гэсэн санаа) - Төдхөн Улиастайн Богдын голоор “цуутай хүүхэн хуримгүй” гэсэн худлаа юм, Жаргал хүүхэнтэй Вандан буриад хурим хийх гэнэ гэж ярилцана. С.Удвал. Их хувь заяа., хурим хийлээ гэж хүүхдэдээ хоол өгөлгүй битгий бай, хур орлоо гэж адуугаа услалгүй битгий бай [зүйр цэцэн үг] (анхаарал халамжаа цалгардуулж болохгүй гэсэн санаа), хурим хурим гэвэл хувхай толгой өнхөрнө [зүйр цэцэн үг] (олон гэрлэх тусгүй гэсэн санаа);
3. Дайллагын хурим:
нөгчсөний хурим (нас барагсдыг оршуулсны дараах дайллага);
4. [хуучирсан] Хурал хуй.