1. Хүн, амьтан болон юмсын нэг дор цугларах, бөөгнөрөх: хурсан олон (олноороо цугларсан хүн амьтан) дэлгэрэнгүй...- Хожим нь хурсан олны дундуур нүд бэлчээж, эрэлхийлэн холхисон боловч олсонгүй. Д.Цэдэв. Айргийн амт., буян хурах (сайн үйл дэлгэрэх) - Үргэлж муу санавал, буян хурахгүй. Ж.Дашдорж. Монгол цэцэн үгийн далай., гуниг хурах (уйтгарлах) - Гэнэт эхийг өрөвдөж, элэг зүрхэн тус газар гуниг хурлаа. Д.Маам. Тэмээний дууль., нүдэнд нулимс хурах (нүдний аяганд нулимс дүүрэх) - Түүний нүдэнд нулимс хуран цийлэлзэж, царай нь өрөвдөж ханашгүй хачин болсон байв. Д.Маам. Тэмээний дууль., үүл хурах (үүл бөөгнөрөх) - Харин тэртэйгүүр бараан үүл хурж бороо орох янзтай байв. Д.Нацагдорж. Харанхуй хад., хог буртаг хурах (тоос шороо ихтэй болох) - Тэр нүхнүүд тун хуучин тул дотор нь өвс шорооны нарийн хог буртаг чигжрэн хурсан байв. Ж.Дамдин. Миний монгол., хонь хурах (хонь халуунд бөөгнөрөн зогсох) - Эрлийз хонь бол хурж зогссон үедээ, монгол хонь шиг зогсчихгүй, хөл дороо ногоо зулгааж идсээр, бөөнөөрөө түлхэлцэн яваад байдаг. Ж.Самбуу. Мал маллагааны арга туршлага., хүн амьтан хурах (олон хүн амьтан цуглах) - Хүн амьтан олноороо хуран цугларав. Б.Өлзийсүрэн. Замын хүзүү., цус хурах (ямар нэг гадны нөлөөгөөр арьсан дор, булчин дотор судас хагарснаас цус хүүдийлэгдэж, хавдар үүсгэх) - Отгоны тунгалаг нүүрт нь цус хөнтрөн хурсан мэт бадайран чинэрчээ. Л.Содов. Хавын нар., хурах цугларах [хоршоо] (олон хүн, амьтан нэг дор цугларах, бөөгнөрөх) - Жигүүртэн шувуу хуран цугларсан зуны дэлгэр цаг Цэрэн онцын баяр жаргалтай байдаг билээ. С.Эрдэнэ. Хонгорзул.
Ижил үг
