ХУДАЛ
Бодит байдалд үл нийцэх, хуурамч - Би урьдын юмыг ул, хуучны юмыг худал болгож чадахгүй.дэлгэрэнгүй... худал инээх (үнэн сэтгэлээсээ биш хуурамчаар инээх) - Худалдагч, арзгай хар шүдээ гарган зальтай нүдээ жартайлган худал инээснээ: -Өвгөн чамд юу хэрэгтэй, шулуухан хэл гэлээ. Ч.Лодойдамба. Тунгалаг Тамир., худал унших (буруу, таавраар унших), худал үг (бодит байдлыг гуйвуулсан үг) - Худал үг хулгайтай адил. Ж.Дашдорж. Монгол цэцэн үгийн далай., Бумааг элдэв худал үгээр гүжирдэж, зэрэг бууруулав. Ц.Уламбаяр. Зовлон жаргал., худал уйлах (хуурамчаар уйлах) - Хаширлаа, би лам болно гэж шал худлаа уйлж байж билээ. Ж.Дамдин. Үймээний жил., худал хэлэх (бодит байдлыг зориуд гуйвуулан хэлэх) - Хортон дайсантай тулгаран учирвал дэмий мэгдэн мөргөх, Хойно гэртээ ирвэл дэмий бардамнан худал хэлэх. Субашид., худал чалчаа (үнэн бус, дэмий үг яриа), худал яриа (хуудуутай, үнэн бус яриа) - Хуу домбыг суллан сууж, худал яриаг голлон байж... Р.Чойном. Хүн., худал ярих (худал хэлэх) - Орос эхнэрийн сүү лаазаар зарж байна гэнэ гэхэд Магсаржав: -та худал ярихаа боливол таарна гэж дургүйцэв. С.Удвал. Их хувь заяа., худал зэхий [хоршоо] (бодит байдалд үл нийцэх, барагтайхан), худал ташаа [хоршоо] (үнэн биш, хуурмаг), худал үнэн [хоршоо] (бодит байдалд нийцсэн болон үл нийцсэн байдал) - Хууль ёс гэж худал үнэн ярихыг сонссоор өдөр сарыг улируулна. Д.Нацагдорж. Хуучин хүү., худал хуурамч [хоршоо] (үнэн биш, хуурмаг) - Худал хуурамч үйлсээр итгүүлэхийн тулд их л чармайн зүтгэсээр ийм бүслэлтэд оруулав. Н.Батбаяр. Өндөрт хатгасан туг., худал хуумгай [хоршоо] (лавтай үнэнийг мэдэж хянахгүй, хааш яаш хэлж, хийх байдал) - Дахин давтан худалч хуумгайгаар яван итгэмжгүйгээр урван хөрвөх адгуус аж. В.Инжаннаши. Хөх судар., худал хуурмаг [хоршоо] (үнэн биш, бодит байдалд нийцэхгүй) - Түүнийг хэнч харсан илэрхий бөгөөд тооныхон худал хуурмагийг мэдэвч үл мэдсэн дүр гарган өнгөрдөг байлаа. Ж.Дамдин. Үймээний жил., үнэн худал [хоршоо] (бодит байдалд нийцсэн болон үл нийцсэн байдал) - Ухаантай өөрийн бодолтой, зориг шийдэмгий эрдэм чадалтай хүний тухай үнэн худал аливааг ярилцах нь их байдаг болохоор Дамдинсүрэн бол сайн муу ихээхэн дуулиантай хүний нэг байлаа. С.Удвал. Их хувь заяа., худал хойноо, хусран хавартаа [зүйр цэцэн үг] (худал хэлсэн үг заавал илэрдэг гэсэн санаа), худал гэдэг мэх, хулгай гэдэг заль [зүйр, цэцэн үг] (худал, хулгай хоёр адилхан муу зүйл гэсэн санаа).
- худал инээх - үнэн сэтгэлээсээ биш хуурамчаар инээх
- худал унших - буруу, таавраар унших
- худал үг - бодит байдлыг гуйвуулсан үг
- худал уйлах - хуурамчаар уйлах
- худал хэлэх - бодит байдлыг зориуд гуйвуулан хэлэх
- худал чалчаа - үнэн бус, дэмий үг яриа
- худал яриа - хуудуутай, үнэн бус яриа
- худал ярих - худал хэлэх
- худал зэхий - бодит байдалд үл нийцэх, барагтайхан
- худал ташаа - үнэн биш, хуурмаг ... үргэлжлүүлэн харах ...
