ХУВИЛАХ II  

1. Юмны шинж чанар, дүрс байдал өөр болох, өөрчлөгдөх, хувирах дэлгэрэнгүй...- Одоо арван найман жилийн дараа гэвэл атгасан гарын чинээ хар жаал маань, авдар сав шиг гэхээр бадируу эр болон хувилжээ. Д.Маам. Тэмээний дууль., өнгө зүс хувилах (дүр төрх, царай зүс нь өөр болох, өөрчлөгдөх) - Адууны хамар лавтай хатган, онд тарган орсон морьд юу юугүй өнгө хувилах болсон үе, манайхан адуугаа дэллэхээр хураасан байлаа. Л.Дашням. Нялх ногоо., үг хувилах (үг дагавар, нөхцөл аван хувирах), хувилахуй ухаан (химийн шинжлэх ухаан), хувилдаг од (гэрэлтэхдээ өнгө нь хувирч харагдах ашидын од - улирах од), хувилах урвах [хоршоо] (юмны хэлбэр дүрс, шинж чанар өөрчлөгдөх) - Хувилах урвах, эгэх ухрах, зогсох сунах агдайх энэ найман зүйлийг боловсруулж сургаад маш тэгш цэрэг болгожээ. В.Инжаннаши. Хөх судар;

---

2. Хүний ааш зан нь хувирах, өөрчлөгдөх: зан нь хувилах (зан нь өөрчлөгдөх, хувирах);

---

3. [шилжсэн] Уур уцаар нь нүүрэндээ тодрон илрэх: царай нь хувилах (уур уцаар нь нүүр царайндаа илрэх).

---

• өнгө зүс хувилах - дүр төрх, царай зүс нь өөр болох, өөрчлөгдөх
• үг хувилах - үг дагавар, нөхцөл аван хувирах
• хувилахуй ухаан - химийн шинжлэх ухаан
• хувилдаг од - гэрэлтэхдээ өнгө нь хувирч харагдах ашидын од - улирах од
• хувилах урвах - юмны хэлбэр дүрс, шинж чанар өөрчлөгдөх
• зан нь хувилах - зан нь өөрчлөгдөх, хувирах
• царай нь хувилах - уур уцаар нь нүүр царайндаа илрэх

---

Ижил үг

ХУВИЛАХ I

ХУВИЛАХ III

Холбогдох зураг одоогоор алга байна.