1. Бүхэл болон хамт байсан юмыг хэдэн хувь болгох, хэсэглэх, таллах: хувааж авах (юмыг хэсэглэн, дэлгэрэнгүй...таллан авах) - Нөгөө хятад цэргүүд ухасхийн дайрч, хоорондоо булаацалдан хэдэн сумыг хуваан авч өвөртлөв. Л.Түдэв. Улаан долгион., хувааж идэх (юмыг хэсэглэн идэх) - Хоёр аяга хоол хийгээд, нэг нэг аяга хувааж идээд, тогоо шанагаа дахин угааж арчин тавилаа. С.Удвал. Их хувь заяа., хувааж нөмрөх (дээл хувцас болон хөнжил хучлагаа таллан нөмрөх) - Тэнд хэдэн охид машины хоймрыг эзлэн дээл хувцсаа хувааж нөмрөөд, хоорондоо аминчхан ярилцана. Д.Гарамжав. Нэгэн өглөө., хувааж өгөх (хэсэглэн өгөх) - Бригадын дарга анхандаа хүмүүсийг зохист байгуулалтгүй оруулснаа больж хүн бүрд тодорхой хэмжээний газар хувааж өгөв. Л.Түдэв. Нүүдэл., хувааж уух (хэсэглэж, тасалж уух) - Би нэг шил цагаан дарс авснаа, хувааж уухыг гуйлаа. С.Эрдэнэ. Малын хөлийн тоос., хувааж суух (суудлаа таллан суух) - Зайгүй бол сандал хуваагаад суудаг байв. Ч.Чимид. Хавар намар., хувааж хийх (хэсэглэж хийх) - Сүрэн үлдсэн архиа, хоёр жүнзэнд хувааж хийгээд барив. Н.Банзрагч. Зам;
2. Аливаа зүйлийг олон хүнд хувь тэнцүүлэн ногдуулах, өгөх:
хувааж эзэмших (хэсэг болгон салгаж эзэмших)
дэлгэрэнгүй...- Монголын нутгийг харийн дайсантай хувааж эзэмшээд түм түмэн ардыг хоосруулж байг гэж бүх насаараа буун сум, жадны ирэн дор байлдаагүй билээ. С.Удвал. Их хувь заяа;
3. Хуваарилах:
ашиг хуваах (олсон ашгаа хуваарилах),
голоор нь хуваах (бүхэл юмыг таллах),
дэлгэрэнгүй...жаргал зовлонгоо хуваах (жаргах зовох үедээ бие биеэ орхилгүй хамт байх) - Хан өндөр Гутай руу хэдэн үе алга хавсран наманчилж, жаргал зовлонгоо хуваах гэсэн тэр нэгэн хүслийн үндэс арилаагүй байлаа. Г.Жамьян. Гал атгасан гар; тэгш хуваах (эн тэнцүү, адилхан таллах, хэсэглэх) - Бид тэндээс олзолсон юмаа тэгш хуваана гэж жингэнэсэн дуугаар хэлж, Хадаа зангийг өмөөрсөн төлөвтэй хөндлөнгөөс оров. С.Удвал. Их хувь заяа., хөрөнгө хуваах (хөрөнгө хуваарилах, хэсэглэх) - Миний үлдсэн хөрөнгийг гурав хувааж, нэгэн хувийг эзэн тэнгэрийн болон сүмд миний хойноос ном буян хийлгэхийг даалган өгчээ. “Утга зохиол урлаг” сонин., *биеэ хуваах (бие сэтгэлээ олон зүйлд харамгүй зориулах), *бялуу хуваах (сонгуульд ялсан намынхан албан тушаал хуваан авах);
4. Үржүүлэхийн урвуу үйлдэл хийх:
хуваах тэмдэг (тоог тоогоор хуваахыг илэрхийлэх тэмдэг),
дэлгэрэнгүй... хуваах үйлдэл (үржүүлэхийн урвуу үйлдэл, тооны ухааны бодлогын арга), тоо хуваах (тоог тоонд хуваах).