Огтлох, зүсэх багаж дэлгэрэнгүй...- Хөрөөний хурц, булчингийн эрчээр бараг харахын зууртгүй гурав тасдан, дөрөв хэрчимлэн хаяв. Т.Дэчингунгаа. Өөдрөг зам., гар хөрөө (гараар огтлох тайрах авсаархан багаж), заадлын хөрөө (заадал гаргах хөрөө), модны хөрөө (мод хөрөөдөх зориулалттай хөрөө), морин хөрөө (хоёр тийшээ даацтай дүнз модыг гараар хөрөөдөж банз болгон хэрэглэдэг аралтай том хөрөө), нарийн хөрөө (нимгэн хөрөө), самнааны хөрөө (самнаа зураас гаргах хөрөө), төмрийн хөрөө (төмөр хөрөөдөх зориулалттай хөрөө), уран хөрөө (янз бүрийн дүрс ухах хөрөө), утсан хөрөө (уран хөрөө), хөвчгүй хөрөө (хоёр талдаа буюу нэг талдаа бариултай хөрөө), цахилгаан хөрөө (цахилгаанаар ажиллах хөрөө), цүзгэр хөрөө (дунд хэрдээ цүлхгэр, богиновтор, бүдүүн тойм ажилд хэрэглэх хөрөө), эвийн хөрөө (нарийн хөрөө), хөрөөний ааг (хөрөөний бариул орчмын хэсэг), хөрөөний ир (хөрөөний шүд), хөрөөний гар (хөрөөний тэлүүр мод), хөрөөний зай (хөрөөний сэтэрхий буюу шүдний алхам), хөрөөний мөр (хөрөөний ирийн нөгөө тал), хөрөөний солби (хөрөөний шүдний солбиос), хөрөөний эрээс (хөрөөний гарыг холбож тэлэх оосор), хөрөөний эрээдэс (хөрөөний эрээсийг мушгиж чангаруулах бяцхан мод), хөрөөний ир шиг (хөрөөний ир мэт урт богино, нааш цааш хазайсан), хөрөө саа (хөрөөний шүд мэт ирмэгтэй алт мөнгөн сүлжмэл тууз), хөрөө сүх [хоршоо] (юмыг тайрах болон цавчих хэрэгсэл).