ХӨӨЦӨЛДӨХ  

1. Харилцан хөөх, хүн, амьтан ар араасаа нэхэн явах, гүйх -дэлгэрэнгүй... Тугалаа дагуулан явсан үнээний хойноос гүйж, тугалуудаа хөөцөлдөн барьж уяад үхрээ алсхан тууж бэлчээрлүүлэв. Ш.Нацагдорж. Мандхай цэцэн хатан., хөөцөлдөн тоглох (өөр хоорондоо бие биеэ хөөж тоглох) - Тэнхимийн сургуульд очиж хүүхэдтэй тарвагацан хөөцөлдөж тоглоно. Ц.Уламбаяр. Зовлон жаргал;

---

2. Ямар нэг юм бүтээхээр зүтгэх, чармайх: гэрчилгээ хөөцөлдөх (гэрчилгээ олох гэж явах) -дэлгэрэнгүй... Хотын хөдөлмөрийн товчоон дээр гэрчилгээ хөөцөлдөн очив. С.Лочин. Газрын дуун., хойноос нь хөөцөлдөх (араас нь эрж сурч явах) - Чамайгаа эрдэм номын мөр хөөлгөж хүний зэрэгт явуулъя гэхдээ л хойноос чинь хөөцөлдөж ирсэн юм. Г.Жамьян. Гал атгасан гар;

---

3. [шилжсэн] Хэрэггүй зүйлийг чухалчлан, түүний араас дэмий улайрах: алдар нэр хөөцөлдөх (алдар нэр олохоор улайран явах), дэлгэрэнгүй...хов жив хөөцөлдөх (дэл сул дэмий ярианд анхаарал тавьж оролцох) - Тэгэхлээр аар саархан хов жив, цуу үг, сул яриагаар хөөцөлдөөд яах вэ? С.Лочин. Сэтгэлийн өнгө., үг үсгийн араас хөөцөлдөх (хүний хэлсэн ярьсан, бичсэн зохиосон зүйлээс өө сэв эрэн хов ярьж явах);

---

4. [шилжсэн] Гөрөөс ороо нь орж нийлэх: гур зүр хөөцөлдөх (гүр зүр ороо нь орон нийлэх).

---

• хөөцөлдөн тоглох - өөр хоорондоо бие биеэ хөөж тоглох
• гэрчилгээ хөөцөлдөх - гэрчилгээ олох гэж явах
• хойноос нь хөөцөлдөх - араас нь эрж сурч явах
• алдар нэр хөөцөлдөх - алдар нэр олохоор улайран явах
• хов жив хөөцөлдөх - дэл сул дэмий ярианд анхаарал тавьж оролцох
• үг үсгийн араас хөөцөлдөх - хүний хэлсэн ярьсан, бичсэн зохиосон зүйлээс өө сэв эрэн хов ярьж явах
• гур зүр хөөцөлдөх - гүр зүр ороо нь орон нийлэх

Холбогдох зураг одоогоор алга байна.