Гулд гэдгийн эсрэг утга, юмны тууш дагуу биш, нөгөө тийш буюу өргөн тийш: хөндлөн даланлаг (голын дэлгэрэнгүй...урсгалыг огтлон хашсан хашлага), хөндлөн дамнуур (төрөл бүрийн машин, төхөөрөмжийн хэсэг, босоо тулгуур дээр хэвтээ байрласан дамнуур), хөндлөн нуруу (а. Үргэлжилсэн урт уул нуруу; б. Байшингийн ноён нурууны хоёр хөндөл мод), хөндлөн гулд [хоршоо] (а. Хаа сайгүй, зүг бүрд - Монгол хүн урьдын адил хөндлөн гулд довтлон дайн хийж дайны олз омгоор хөлжин явдаг цаг өнгөрсөн бололтой. Ш.Нацагдорж. Мандхай цэцэн хатан; б. Эрх дураараа), хөндлөн гулд аялах (зүг бүрд аялах), хөндлөн огтлох (а. Урт юмыг өргөөш нь огтлох; б. [шилжсэн] Гол ус, зам зэргийг хажуугаас нь гатлах - Ногоон цавын хоолойг хөндлөн огтолж, Онгон улаан уулын баруугаар ороон оров. Ж.Дамдин. Миний монгол), хөндлөн утас (нэхмэл эдийн хөндлөн чиглэлт утас), *хөх зүү хөндлөн барьж үзээгүй (юм оёж сураагүй, оёдол үйл мэдэхгүй) - Муу ээж минь намайг “хөх зүү хөндлөн барьж чаддаггүй” эм хүн шиг адгийн хүн байхгүй. Дээлээ шидэж сур гээд л дандаа үглэдэг байлаа. Ж.Пүрэв. Ундрах инженер., *хөндлөн гулдгүй аашлах (а. Эрх ямбандаа эрдэж, түрэмгий аашлах; б. Хаа очсон газраа дураараа аашлах), *хэлээ хөндлөн зуух (биеэ барьж юм ярихгүй байх) - Түүн дээр хэн бүхэн алдахаас болгоомжлон хэлээ хөндлөн зууж, идэж уухаас нь амсах төдийхөн болж, шомбойн сууж байв. Д.Намдаг. Ээдрээ.
Ижил үг