1. Хөдөлгөөнтэй болгох, хөдөлгөө оруулах -дэлгэрэнгүй... Цэрэг нь байхгүй болчихсон байхад бүрээ нь дуугарч л байх юм даа гэж уруулаа үл мэдэг хөдөлгөн шивнэв. Б.Догмид. Хөх тэнгэрийн зарлиг., хөдөлгөх хүч (хөдөлгөөнд оруулах хүч), ширээ хөдөлгөх (ширээг байсан байрнаас нь зөөх, шилжүүлэх), хуруу хөдөлгөх (хуруугаа хөдөлгөөнд оруулах), *хурууны үзүүрээр хөдөлгөх (а. Хүч оролгүй хийх; б. Бусдыг өөрийн хүсэл зоригийн дагуу дуулгавартай байлгах), *шороо хөдөлгөх (арай чарай амьд явах, хэцүүхэн өдөр хоногийг өнгөрөөх) - Тэг дээ охин минь, хар нялхаас нь элгэндээ тэвэрч өсгөсөн ганц хүүгээ харийн газар явуулчхаад хоёр өгөр толгой яаж шүү шороо хөдөлгөж явах юм билээ дээ. Н.Банзрагч. Хувь заяаны тавилан., *ам хөдөлгөх (юм идэх) - Цагийн хатууд малын ам хөдөлгөх юмгүй бол сая, дүнчүүр маань уншаад ч нэмэргүй хэмээн үг нь олшрох янзтай болов. Б.Догмид. Нэхэл хатуу орчлон., *амыг нь хөдөлгөх (идэх юм өгөх) - Рэнцэндулам ууртайхан, -Бас л өлсчихөө юу, чи. Бингээ хайрахаар амыг чинь хөдөлгөмз, тэсэж бай! гээд нохойноос зугтав. Д.Урианхай. Халуун зуны сүүдэр., *гэдэнг нь хөдөлгөх (зөрүүд зан гаргахад хүргэх) - Хүмүүсийн сэтгэлд аймшиг төрүүлж, заримынх нь гэдэнг нь хөдөлгөчихсөнөө үл ойлгосон тасгийн дарга “үгүй мөн ухамсаргүй байна даа ...” гэж бодсоор харилцуураа авлаа. З.Сандагаа. Хүний ганц., *зогдор хөдөлгөх (тэмээгээр түргэн алхуулан явах) - Гурвуул тэмээ унаж явсан тул зогдор хөдөлгөн алхуулсаар нэлээд явж, дайсан нэвтэрч болох сэжиг бүхий нэгэн боомт газар хүрч очив. С.Дашдэндэв. Гурван хүү., *сүүл хөдөлгөх (мориор шогшисхийн явах) - Өдөрт нь морио ч амрааж, өөрөө ч нуугдаж байгаад шөнө явж байвал дээр гэж бодлоо. Ингээд уулын хэц, хар газар, жим зам дагасаар сүүл хөдөлгөн шогшиж эхэллээ. Ж.Дамдин. Үймээний жил;
2. [шилжсэн] Хүний сэтгэл, хүсэл, дур сонирхлыг өдөөх
- Тэр мэт дуутай ший жүжиг нь үзэгчдийн сэтгэл зүрхийг нэлээд хөдөлгөж чаддаг байсан. дэлгэрэнгүй...С.Буяннэмэх. Түүвэр зохиол., сэтгэл хөдөлгөх (сэтгэл хөндөх, сэтгэл догдлуулах) - Яруу найраг хүний санаа сэтгэлийг хөндөн хөдөлгөх яруу сайхан урлагтай зохиол болно. “Цог” сэтгүүл., хор хөдөлгөх (хор шар хүргэх), хорхой хөдөлгөх (дур хүслийг бадраах; хийх, сонирхох хүсэл төрүүлэх) - Гаанс хөөрөг хоёр нь хүний хорхой хөдөлгөөд ёстой нэг данагар байх шив дээ гэж хэлэв. Ж.Бямбаа. Их аяныхан., шар хөдөлгөх (атаархан тэсэж ядах занг нь хөндөх);
3. [шилжсэн] Олны хүчийг нэг тийш чиглүүлэх:
олон түмнийг хөдөлгөх (олон түмний хүч, санаа бодлыг нэг тийш хандуулах),
дэлгэрэнгүй...цэргийн хүчийг хөдөлгөх (цэргийн хүчийг хэрэгцээтэй газар луу нь явуулах);
4. [шилжсэн] Наймаа хийх:
хөрөнгө хөдөлгөх (наймаа хийх, хөрөнгөө арвижуулах) -
дэлгэрэнгүй... Эцгийн үлдээсэн хөрөнгийг цааш хөдөлгөх гэтэл гадаад дотоодын том том пүүсүүдэд цохигдон хэчнээн оролдовч сэхэл авахгүй болжээ. Д.Намдаг. Цаг төрийн үймээн.
