1. Гонзгой урт, хоёр тал хэм тэгш биет, атирч гулсаж мөлхөж хөдөлдөг нугаламгүй доод амьтан:дэлгэрэнгүй... хорхой идэх (а. Жижиг эрвээхийн олон хөлт өт ноосон эдлэл, үст эдлэл зэргийг гэмтээн сүйтгэх; б. Шүдний эд ялзран үрэвсэх), хорхой идсэн хөшиг (эрвээхий зэрэг жижиг шавжийн өтөнд идэгдсэн хөшиг), хорхой идсэн шүд (ялзарч үрэвссэн шүд), урт хорхой [цээр] (могой), хорхой шавж [хоршоо] (мөлхөх, нисэх зэрэг өчүүхэн амьтад, өт шавж) - Гишүү, мөчир хамаагүй хаяад байвал хорхой шавж ихдэж, сүүлдээ ойгүй болно. Л.Дашням. Бурхантын цэцэг., өт хорхой [хоршоо] (өт болон бусад жижиг шавж), *хорхойд хоргүй (гэмгүй, ноомой номхон) - Олныг түйвээсэн энэ гурван хижээл лам “хорхойд хоргүй мөрөөрөө амьтад” шиг амгалан харагдаж байв. Ж.Дамдиндорж. Суваргын нууц., хорхойн мөрөөр хорь хонож, аалзны мөрөөр арав хонох [зүйр цэцэн үг] (дэмий юмаар хөөцөлдөж цаг алдах гэсэн санаа), олгой хорхой [амьтан] (маш их хортой, говьд байдаг гэлцдэг домгийн амьтан), цох хорхой [амьтан] (хатуу давхар далавчтай шавж), чийгийн хорхой [амьтан] (ус чийгтэй газар орших, нялцгай биет хорхой), шанаган хорхой [амьтан] (газар усны сүүлгүй амьтан, мэлхийн авгалдай);
2. Өт хорхой хэлбэртэй, маш жижигхэн юмс:
хорхой ааруул (шүүрэн шанага зэргээр гоожуулан шүүж уртавтар нарийн хэлбэр оруулж хатаасан
дэлгэрэнгүй...жижиг ааруул), хорхой мөөг (шавжин дээр ургадаг нэгэн зүйл жижиг мөөг), хорхой үс (залуу хүний толгойд цагаас эрт ургасан цагаан үс), хорхой хялгас (адууны сүүлд ургасан хугарсан бүдүүн охор хялгас), хорхой шүд (маш жижигхэн шүд), хорхой цэцэг [ургамал] (өдлөг онь бүхий навчтай, цацаг хэлбэрт улаан баг цэцэг бүхий хоёр наст өвслөг хорт ургамал);
3. [шилжсэн] Шохоорхох сэтгэл, шунан дурлах сэтгэл: *
хорхой нь гозгонох (шохоорхон хүсэх, дур хүрэх, ямар нэг юмыг хийх гэхээс байж
дэлгэрэнгүй...ядах) - Самдан ч хэдийнээ хөлчүүрч эр бяраа үзүүлэх хорхой нь гозгоносон тул арслан барсыг ч цохин алж болмоор хар модон гол барьж аваад нөгөө эсгий татаж байсан харчуулын гарын хүчийг үзэн нүдэж гарлаа. С.Эрдэнэ. Жаргах нас., *хорхой хөдлөх ~ *хорхой хүрэх (ямар нэгэн юманд шунан хүсэх, шунан дурлах), *хорхойг нь хүргэх (хүнийг ямар нэгэн юманд хүсэл дурыг нь татаж өдөөх), *хорхойг нь хөдөлгөх (хорхойг нь хүргэх), *хорхойгоо гаргах (шохоорхож байсан зүйлээ авах буюу хийж санаа амрах) - Аяга тагш юм уугаад даахгүй хэр нь нэг их хоосон хорхойноос цаашгүй болжээ. Б.Догмид. Нэхэл хатуу орчлон., *хорхойгоо дарах (багахан юм идэж хүслээ хангах төдий болох), *хорхой идсэн баавгай шиг (дүрсгүйтэх, учиргүй их харайн цовхрох) - Болхи мөхөс миний ижил нэг лут хүн бүхнийг хөл доороо сөгдүүлээд өөрөө хорхойтсон байвгай шиг өндөр өөд нэг авирч, нам руу нэг буун мунгинаж, хад чулуу мөргөж байхаар бүгдээрээ хэлэлцвэл буруугүй гэгчээр хэрэг явдлаа зөвлөж байвал дээр болов уу. Ж.Пүрэв. Аянга.