1. Дээл, цамц, дээвэр туурга, хувцас хэрэглэлийн доод этгээд дэлгэрэнгүй...- Хормой, бүсээ засан яамны үүдэнд ирж сөгдөхөд Магсаржав дун үлээж цэргийг жагсаав. С.Удвал. Их хувь заяа., дээврийн хормой (гэрийн туурганы хоолой дээгүүр зөрж бүрэх хэсэг), дээлийн хормой (дээлийн доод тал), туурганы хормой (туурганы доод зах, хаяавчаар даруулах хэсэг), хормой дэвсэх (а. Хормойгоо газар дэлгэх; б. [шилжсэн] Хошуу цорвойх), хормой огших (дээлийн хормой дээш эргэх), хормой сөхөх (хормойг дээш буюу гадагш өргөж хөндийлөх), хормой тосох (а. Хүнээс юм гуйх; б. Хүний өгсөн юмыг дуртай хүлээн авах), хормой шуух (а. Хормойгоо бүсэндээ хавчуулах зэргээр дээш сөхөх; б. [шилжсэн] Ажил хэрэгтээ эрчимтэй шуурхайлан орох), хормойгоороо дүүрэн хүүхэдтэй (олон хүүхэдтэй), хормойн бузар (шалиг завхай явдал), хормойн донтой (а. Тэнэмхий; б. Шалиг, завхай явдалтай), хормой хот [хоршоо] (дээлийн хормой зэрэг доорд хэсэг), хормой хотоо тат! (хормой хотоо янзал!), *хормой дороо оруулах (эрхшээлдээ оруулах, харьяалах, өмгөөлөх), *хормойгоо чирэх (урагшгүй, унхиагүй байх) - Миний эхнэр гэж хормойгоо чирсэн юм байсан юм. Ц.Дамдинсүрэн. Солийг сольсон нь., *хормойд нь багтах (их хүний хайр ивээлийг хүртэх) - Алдарт Жангарын хормойд багтаад амар сайхан жаргаад суув. Жангар., *хормой хийсгэх (оргох, босгох), *хормойд нь салхи орох (гэр орондоо тогтож сууж чадахгүй дэмий тэнэх) - Бүсгүй хүүхдийн хормойд салхи ороод эхэлбэл горьгүй гэдэг. Л.Чойжилсүрэн. Яндангийн цуурай., *хормойд нь хий орох (хормойд салхи орох), уул үзээгүй хормой шуух, ус үзээгүй гутал тайлах [зүйр цэцэн үг] (а. Хэрэг явдал эхлээгүй байхад шантрах; б. Юмны учрыг олоогүй байж уурлах, үйл хөдлөл хийх), *хормой дэвсэж, хошуу цорвойх (гуйж аргадах), хормой урт бол хөл орооно, хоншоор урт бол хүзүү орооно [зүйр цэцэн үг] (хов жив хөөцөлдсөн хүн эргээд хэрэгт ордог гэсэн санаа);
2. Уулын бэлийн доод этгээдийн газар:
уулын хормой (уулын бэл, доод хэсэг)
дэлгэрэнгүй...- Холоос гялалзан харагдагч, сумны зэв шиг уулсынхаа хормой дээр чинь унаж хүү нь болон заяасных нэгэн цацал өргөмүү. Б.Лхагвасүрэн. Хос уянга., тэнгэрийн хормой (тэнгэрийн хаяа, алсад газар тэнгэр хоёрын нийлсэн мэт харагдах зааг) - Хөх тэнгэрийн хормой уудам, хувьсгалч хүний бодлого уудам. С.Буяннэмэх. Түүвэр зохиол., хормойн хурдас (усны урсгалд туугдаж уулсын хормойд очоод бөөгнөрч овоорсон уулын чулуулаг хурдас);
3. Зах хязгаар, хаяа;
4. Зарим юмны хормой мэт хэлбэртэй юм:
өвчүүний хормой (малын махыг эвдэх үед өвчүүг цоройтой нь хамт авсныг);
5. [хуучирсан] Банзал.
