БАЛАР  

1. Аливаа юмны тодорхойгүй, бүдэг: балар будлиан (хэрэг явдлын учир нь үл мэдэгдэх бүдэг), дэлгэрэнгүй...балар харанхуй (а. Хав харанхуй, түнэр харанхуй - Бохир хар хот балар харанхуй шөнө үл үзэгдэв. С.Эрдэнэ. Хонгорзул; б. [шилжсэн] Нийгмийн байгууллын бүдүүлэг, боловсорч гэгээрээгүй байдал), балар битүүлэг (учир битүүлэг);

---

2. Шигүү, битүү, өтгөн: балар ногоон өнгө (өтгөн ногоон өнгө, хар ногоон өнгө) дэлгэрэнгүй...- Ой мод нягт зузаан ургаад балар ногоон өнгөөр уулсыг бүрхэнэ. Д.Нацагдорж. Зохиолууд., балар ой (шигүү ой), балар шугуй (зай завсаргүй шигүү ургасан ой мод), балар хөвч (өтгөн шигүү ой мод бүхий уул нуруу) - Балар хөвчийн найраг дууны удиртгал хөгжим энэ ажээ. Л.Түдэв. Нүүдэл., балар шугуй мод сармагчин дамжихад амар, бага сага эрдэм нэмэр авахад тус [зүйр цэцэн үг] (эрдэм мэдлэг бага багаар хуримтлуулж байж тусыг нь хүртдэг гэсэн санаа);

---

3. Үл мэдэгдэх эрт урьдын цагийн шинж: балар цаг (эрт урьдын цаг), балар эрт (маш эрт цаг);

---

4. [шилжсэн] Бүдүүлэг, балай мунхаг, цаг үеэс хоцрогдсон: балар арга (бүдүүлэг, хоцрогдсон арга), дэлгэрэнгүй...балар суртал (мунхаг, үеэ өнгөрөөсөн суртал) - Балар суртлыг халж, баримттай ухааныг судлав. С.Буяннэмэх. Түүвэр зохиол.

---

• балар будилаан - хэрэг явдлын учир нь үл мэдэгдэх бүдэг
• балар харанхуй - а. Хав харанхуй, түнэр харанхуй; б. [шилжсэн] Нийгмийн байгууллын бүдүүлэг, боловсорч гэгээрээгүй байдал
• балар ногоон өнгө - өтгөн ногоон өнгө, хар ногоон өнгө
• балар ой - шигүү ой
• балар шугуй - зай завсаргүй шигүү ургасан ой мод
• балар хөвч - өтгөн шигүү ой мод бүхий уул нуруу
• балар шугуй мод сармагчин дамжихад амар, бага сага эрдэм нэмэр авахад тус - эрдэм мэдлэг бага багаар хуримтлуулж байж тусыг нь хүртдэг гэсэн санаа
• балар цаг - эрт урьдын цаг
• балар эрт - маш эрт цаг
• балар арга - бүдүүлэг, хоцрогдсон арга
... үргэлжлүүлэн харах ...
балар суртал - мунхаг, үеэ өнгөрөөсөн суртал
балар битүүлэг - учир битүүлэг

Холбогдох зураг одоогоор алга байна.