ХОЛБОХ  

1. Юмыг хооронд нь салахгүй болгон уях, торгох -дэлгэрэнгүй... Арал гол хоёрыг нь холбож авбал ердөө л хөллөхөд бэлхэн боллоо гэсэн үг. Б.Нямаа. Арандалынхан., олсоор холбох (олсоор хооронд нь уях), хонь холбох (хонь саахаар толгойг нь зөрүүлэн холбож уях) - Удаж түдэлгүй хүний өөрийн нийлсэн гуч гаруй хонио холбон сааж гүйцсэний дараа хонь бүрийг гараар тэмтрэн үс нь хөндийрсөн эсэхийг бүртгэн үзэв. Ш.Нацагдорж. Мандхай цэцэн хатан., хүзүүгээр нь холбох (салахгүй болтол хүзүүгээр нь уяж торгох);

---

2. Хэлхээ, харилцаатай болгох - Хаант орос Сибирийн төмөр замыг Их хүрээтэй холбох эсвэл Енисей мөрнөөр дамжуулан... Л.Түдэв. Алтан гадас чигийг заана., зуузай холбох (эн зэрэгцэх, морь унан зэрэгцэн явах) - Хэдхэн мөч өнгөрөхөд эхний хэдэн морь зуузай холбон тодорч хуйлран боссон улаан шаргал тоосноос сугаран зугтлаа. С.Эрдэнэ. Гал шарын унага., *ураг холбох (гэр бүл болох) - Энэ хоёроо холбож айл гэр болговол болохгүй газаргүй мэт. Ч.Лодойдамба. Тунгалаг Тамир., *хоёр сэтгэл холбох (санал зохицож харилцан амраглах) - .Эр нөхөд тэдэнтэй сэтгэлээ холбосон ариун охидын эрх мэдэлгүйн уй гашуу сэтгэлд нь эргэлдэнэ. Д.Намдаг. Цаг төрийн үймээн., *амьдралаа холбох (гэрлэх, ханилан суух) - Тийм хүн энэ насанд дахиад яав ч олдохгүй, ерөөсөө тийм ганцхан сайхан хүнийг олж амьдралаа холбох хувь тавилантай төрсөн гэж өөрийгөө бодсон. С.Эрдэнэ. Дөрвийн бодол., *хошуу холбох (шивэр авир хэлэлцэх, аминчлан ярилцах) - Элдэв улстай нүүр учрах, нүдний дохио, гар барилцах, хошуу холбох, гангалах явдлыг маш тэвч. Д.Равжаа. Зохиолын эмхэтгэл., *зуузай холбох (мориор гүйцээд зэрэгцэн давхих) - Бид хоёр цаг юм ярьсангүй, алсад хөхрөх уулсын зүг зуузай холбон хатируулав. Д.Мягмар. Оторчин., тоонотой гэрт толгой холбох, тогоотой шөлөнд хошуу холбох [зүйр цэцэн үг] (эр эм болж хамт амьдрах, гэр бүл болох);

---

3. Юмыг эвцэлдүүлэх, найруулах, нийлүүлэх: холбох эгшиг (сонгодог монгол бичгийн хэлэнд гийгүүлэгчээр төгссөн үгэнд гийгүүлэгчээр дэлгэрэнгүй...эхэлсэн дагавар залгахад дунд нь жийрэглэдэг эгшиг), үсэг холбох (а. Гийгүүлэгч эгшиг үсгүүдийг нийлүүлэн дуудах; б. Үсгүүдийг нийлүүлэн уншиж, бичиж сурах), үсэг холбож үе тэмдэглэнэ, үе холбож үг тэмдэглэнэ, үг холбож утга тэмдэглэнэ (үсэг нийлүүлж үе тэмдэглэнэ, үе найруулж үг тэмдэглэнэ, үг хэлхэж утга тэмдэглэнэ), толгой холбох (а. Ярих, бичих, зохиохдоо мөр бүрийн эхний үсгүүдийг ижил болгох; б. Эр эм болох) - Толгой холбох шүлгийнхээ сэдвийг би ч бодлоо. Ч.Лхамсүрэн. Шүлэг.

---

• олсоор холбох - олсоор хооронд нь уях
• хонь холбох - хонь саахаар толгойг нь зөрүүлэн холбож уях
• хүзүүгээр нь холбох - салахгүй болтол хүзүүгээр нь уяж торгох
• зуузай холбох - эн зэрэгцэх, морь унан зэрэгцэн явах
• ураг холбох - гэр бүл болох
• хоёр сэтгэл холбох - санал зохицож харилцан амраглах
• амьдралаа холбох - гэрлэх, ханилан суух
• хошуу холбох - шивэр авир хэлэлцэх, аминчлан ярилцах
• зуузай холбох - мориор гүйцээд зэрэгцэн давхих
• тоонотой гэрт толгой холбох, тогоотой шөлөнд хошуу холбох - эр эм болж хамт амьдрах, гэр бүл болох
... үргэлжлүүлэн харах ...
холбох эгшиг - сонгодог монгол бичгийн хэлэнд гийгүүлэгчээр төгссөн үгэнд гийгүүлэгчээр эхэлсэн дагавар залгахад дунд нь жийрэглэдэг эгшиг
үсэг холбох - а. Гийгүүлэгч эгшиг үсгүүдийг нийлүүлэн дуудах; б. Үсгүүдийг нийлүүлэн уншиж, бичиж сурах
үсэг холбож үе тэмдэглэнэ үе холбож үг тэмдэглэнэ үг холбож утга тэмдэглэнэ - үсэг нийлүүлж үе тэмдэглэнэ, үе найруулж үг тэмдэглэнэ, үг хэлхэж утга тэмдэглэнэ
толгой холбох - а. Ярих, бичих, зохиохдоо мөр бүрийн эхний үсгүүдийг ижил болгох; б. Эр эм болох

Холбогдох зураг одоогоор алга байна.