1. Орших, тогтнох, суух: хотод байх (хот газар түр болон байнга оршин суух), *дэлгэрэнгүй...байхгүй болох (нас барах), цаг цагаараа байдаггүй, цахилдаг хөхөөрөө байдаггүй [зүйр цэцэн үг] (бүх юм нэг хэвийн байдаггүй гэсэн санаа), байна гээд илүүдэхгүй, байхгүй гээд дутахгүй [зүйр цэцэн үг] (а. Эд юмны хэрэгцээгүй нь; б. Хүний ажилгүй, чадваргүй байдал), заяа байвал жанжин сууна [зүйр цэцэн үг] (санаа зөв бол үйлс зөв);
2. Үйлийн нэр, нөхцөл үйлийн зарим хэлбэртэй хамтран орж, тухайн үйлийн цаг, байр байдал заана:
ажилгүй байх (а. Ажил хийхгүй зүгээр
дэлгэрэнгүй...суух; б. Тодорхой эрхэлсэн ажил байхгүй), сууж байх (суух), хэвтэж байх (хэвтэх), явж байх (явах), давхиж байх (давхих) - Шууд л давхиад байх уу? Б.Бааст. Алтайн хөх дөнөн., уулзаад байх (уулзах) - Надад тэр Батмөнхтэй уулзаад байх ямар ч хэрэг байхгүй. С.Лочин. Сэтгэлийн өнгө., ам хуурай байх (а. Юм уугаагүй; б. [шилжсэн] Дув дуугүй байх) - Ер нь ам хуурай байдаггүй хүн бололтой. С.Эрдэнэ. Өдрийн од., байн байн (дахин дахин, ахин дахин), байн байн арчих (дахин дахин арчих) - Ор нэрийн төдийд өмсдөг болсон оройвчин цагаан тоорцгоороо хүзүүнийхээ дааварласан хөлсийг байн байн арчсаар гарч ирэв. Д.Мягмар. Нийлэх замын уулзварт., байн байн асуух (ахин дахин асуух), байн байн очих (ахин дахин очих), байн байн хэлэх (дахин дахин хэлэх) - Биднийг олон маань дагана гэж Сүхбаатар байн байн хэлсэн билээ. Ж.Пүрэв. Гурван зангилаа;
3. Болих, зогсох, тэвчих:
бороо орохоо байх (бороо зогсох),
тариачнаа байх (тариачин байхаа болих)
дэлгэрэнгүй...- Хар тариачнаа байж, ноён болохыг хүснэ. Ц.Дамдинсүрэн. Түүвэр зохиол., хүнээ байх (муу муухай явдлыг олонтоо үйлдэж хүний итгэлийг алдах; хүн чанараа гээх), байх аргагүй (тэсэхийн аргагүй, тэвчишгүй), байж болшгүй (тэсэшгүй), байж цөхөх (тогтож сууж ядах), байж ядах (тэсэж ядах), байх суух [хоршоо] (зогсох суух) - Байх суух аргагүй тэнгэр дуугарч бороо орлоо. Д.Цэвэгмид. Хоньчин Найдан., байя гэтэл нь балбаж, зөрөхгүй гэтэл нь зодох [зүйр цэцэн үг] (зодож жанчиж хашраах);
4. Үйлт нэртэй хавсран орж, таамаглах утга илтгэнэ:
очих байх (очиж магадгүй),
явах байх (явж магадгүй).