ХАХАХ  

1. Залгисан юм хоолойд тээглэн бөглөхөд сандран огцом огцом огих -дэлгэрэнгүй... Тэр тарган махыг нь идэх гэж байж хахаж үхэв дээ гэж хэлээд дахин инээв. С.Дашдэндэв. Улаан наран., хуурай идэх юманд хахах (идэх юм хуурай оргин горойж огих), хахаж цацах [хоршоо] (а. Шингэн юм буруу хоолой руу орж цацуулан ханиах; б. Амьсгаа давхцах, багтрах; в. Хоолойд юм торж сандарсан хүчиндээ цацан гаргах) - Дорж нэг удаа томоор балгаж түүндээ хахаж цацан бөөн инээдэм болов. Д.Намдаг. Цаг төрийн үймээн., *үгэндээ хахах (хэлсэн үгэндээ буцаж ороогдох), *хахсан дээр нь нудрах (ядарч буруутаж явахад нь нэрмэх) - Бас тэгээд хүнийг хахсан дээр нь нударчихыг хүсдэг муу юманд дуртай хүмүүсийн олон гэдэг нь. Д.Цэдэнжав. Хаврын урь., хазайсан дээр нь түлхэх, хахсан дээр нь чихэх [зүйр цэцэн үг] (зовох цагт улам нэрмээс болох гэсэн санаа);

---

2. Утаа униар, хатан үнэрт амьсгалж дийлэхгүй болох: утаанд хахах (утаанд хоолой ам хорсон ханиах, амьсгалахад бэрхтэй болох);

---

3. [шилжсэн] Олноор чихэлдэн зорчих - Зах дээр амьтан хахалдаж чихэлдээд явж болохгүй шахам байна. Яриа;

---

4. [шилжсэн] Идээ ундаа, эд юмаар элбэг дэлбэг болох: эд бараагаар хахах (эд бараагаар элбэг дэлбэг болох).

---

• хахаж цацах - а. Шингэн юм буруу хоолой руу орж цацуулан ханиах; б. Амьсгаа давхцах, багтрах; в. Хоолойд юм торж сандарсан хүчиндээ цацан гаргах
• үгэндээ хахах - хэлсэн үгэндээ буцаж ороогдох
• хахсан дээр нь нудрах - ядарч буруутаж явахад нь нэрмэх
• хазайсан дээр нь түлхэх хахсан дээр нь чихэх - зовох цагт улам нэрмээс болох гэсэн санаа
• утаанд хахах - утаанд хоолой ам хорсон ханиах, амьсгалахад бэрхтэй болох
• эд бараагаар хахах - эд бараагаар элбэг дэлбэг болох

Холбогдох зураг одоогоор алга байна.