ХАРГАНА I (ургамал)  

Буурцагтан овгийн төрөл, модлог сөөг ная орчим зүйлтэй - дэлгэрэнгүй...Хавтгайн ингэ хэвтээд босоход харганын толгойд нь өрөм дарайж үлддэг. Б.Лхагвасүрэн. Гашуун өвс., *харганын ноос /унгас/ түүж эсгий хийх (огт бүтэхгүй зүйл сэдэх) - Би гуйгаад, чи тусалж монголд шамбал байгуулна. Харганын ноос түүж эсгий хийхтэй адил хэрэг байна даа гээд Эрдэнэ хөгжилтэй инээв. Ч.Лодойдамба. Тунгалаг Тамир., алтан харгана [ургамал] (алтлаг иштэй, салаалсан мөчиртэй, доош нугарсан өргөслөг цайвар ногоон навчтай, шар цэцэгтэй, их төлөв уулын хяр, ар, шил газар ургадаг өндөр нь нэг метр хүрдэг харганы нэг зүйл), өргөст харгана [ургамал] (өргөс сондуу бүхий модлог сөөг).

• харганын ноос түүж эсгий хийх - огт бүтэхгүй зүйл сэдэх
• алтан харгана - алтлаг иштэй, салаалсан мөчиртэй, доош нугарсан өргөслөг цайвар ногоон навчтай, шар цэцэгтэй, их төлөв уулын хяр, ар, шил газар ургадаг өндөр нь нэг метр хүрдэг харганы нэг зүйл
• өргөст харгана - өргөс сондуу бүхий модлог сөөг

ХАРГАНА II