ХАРВАХ  

1. Нумын хөвчийг татан сум үсэргэх: сум харвах (сум тавих) -дэлгэрэнгүй... Үндэсний сурын харвах арга барил өвөрмөц онцлогтой юм. “Зууны мэдээ” сонин., харвах намнах [хоршоо] (ан амьтныг мориор хөөж харвах) - Хэзээнээс нааш харвах намнахдаа гавшгай ойрадууд Манж хятадуудыг уул руу шахан ухрааж гал түймэр унтраах лугаа адил гол хүчнээс нь хэсэг хэсгээр таслан авч хиар цохив. Б.Догмид. Хөх тэнгэрийн зарлиг., *сумаа харваад нумаа нуух (бусдыг далдуур хатган өдөөж ямар нэгэн муу зүйл хийлгээд биеэ нууж үлдэх), *сур харвах (гэдэс гүйлгэх) - Хааяа хоолны нэмэр болгож, том шар лаазтай англи гахайн мах өгөхөөр хувь хувиа хямгадан цуглуулан нэгмөсөн идчихээд хоолны хордлого болж ходоодоо эргэтэл бөөлжин, сур харваж мажийх шахаж байсан удаа бий билээ. С.Эрдэнэ. Залуу цэргийн эцэслэл., өдөр хоног харвасан сум шиг өнгөрөх (өдөр хоног маш хурдан өнгөрөх) - Хоног сар харвасан сум адил өнгөрсөөр л байлаа. Ж.Пүрэв. Гурван зангилаа;

---

2. Чавх буюу хуруугаар нясалж, шагай харвуулын сумыг үсэргэх: шагай харвах (Монгол үндэсний наадам шагай тоглох; шагайлцах) - дэлгэрэнгүй...Голын мөсөн дээр шагай харвах нь эрт цагаас уламжлалтай юм. Г.Дарамбазар. Монгол үндэсний тоглоом;

---

3. Сум, пуужин, тэргүүтнийг хөөргөх: мина харвах (мина буудах), пуужин харвах (пуужин хөөргөх) -дэлгэрэнгүй... Дайны пуужин харвах, туршихыг олон улсад хориглосон. “Зууны мэдээ” сонин;

---

4. [шилжсэн] Шингэн зүйл олгойдон цацах: цус харвах (хүн амьтны цусны даралтад өөрчлөлт орж, судасны хана задрах) -дэлгэрэнгүй... Түүний тархинд нь цус харвах гол шалтгаан болсон. “Зууны мэдээ” сонин;

---

5. [шилжсэн] Од унах, мөхөх: од харвах (од унах) - Од харвахад миний од биш чиний од гэж хэлдэг заншил буй.дэлгэрэнгүй...style="font-size: 10px;"> Х.Нямбуу. Ёс заншлын их нэвтэрхий толь., солир харвах (солир унах), *од нь харвах (аз нь хаях, ажил үйлс нь бүтэхээ байх) - Баатар цагаан хааныг хэн дийлэх вэ, хэн ч дийлэхгүй. Тэр герман хаан гэгч дамшиг од нь харваж орхисон хэрэг. Ч.Лодойдамба. Тунгалаг Тамир;

---

6. [шилжсэн] Нарны хурц илчинд дайрагдах, цохигдох, шарагдах: нар харвах (наранд цохигдох, нарших) дэлгэрэнгүй...- Нар харвасан хонины арьс хөрс нь мууддаг. Х.Төмөржав. Монгол мал маллагаа;

---

7. [шилжсэн] Зарим амьтны биеэ хурааж байгаад үсрэх: могой харвах (могой үсрэх) -дэлгэрэнгүй... Сум могой ачаатай тэмээ нэвт харвадаг гэсэн яриа буй. “Зууны мэдээ” сонин;

---

8. [шилжсэн] Маш хурдан давхих, хар хурдаараа явах - Морьтой хүүхэд хот айлд харваад буучхав. “Зууны дэлгэрэнгүй...мэдээ” сонин., *харвасан сум шиг (маш хурдан) - Хээр морь Хонгор, Галсан хоёрын дундуур харвасан сум шиг чавхдан дайрч өнгөрөв. Ч.Лодойдамба. Тунгалаг Тамир;

---

9. [шилжсэн] Ямар бодол санаа ухаан санаанд түргэн орж ирэх, хурдан ухаарах, ойлгох: ухаан харвах (түргэн ухаарах) дэлгэрэнгүй...- Ийм үед ухаан нь харвах хүн дээ. Л.Ванган. Жүжгүүд., бодол харван орж ирэх (юм бодож байтал санаандгүй нэгэн бодол орж ирэх) - “Эцгээс минь болсон юм болов уу” гэдэг бодол харван орж ирлээ. Л.Түдэв. Хувьсгал танаа өчье;

---

10. Гэрэл чийг зэрэг юманд цохигдох: чийг харвах (чийгт нэрвэгдэх).

---

• сум харвах - сум тавих
• харвах намнах - ан амьтныг мориор хөөж харвах
• сумаа харваад нумаа нуух - бусдыг далдуур хатган өдөөж ямар нэгэн муу зүйл хийлгээд биеэ нууж үлдэх
• сур харвах - гэдэс гүйлгэх
• өдөр хоног харвасан сум шиг өнгөрөх - өдөр хоног маш хурдан өнгөрөх
• шагай харвах - Монгол үндэсний наадам шагай тоглох шагайлцах
• мина харвах - мина буудах
• пуужин харвах - пуужин хөөргөх
• хушга харвах - хушгыг ямар нэгэн зүйлээр онох
• бай харвах - ямар нэгэн зүйлийг шидэж байг онох
... үргэлжлүүлэн харах ...
цус харвах - хүн амьтны цусны даралтад өөрчлөлт орж, судасны хана задрах
од харвах - од унах
солир харвах - солир унах
од нь харвах - аз нь хаях, ажил үйлс нь бүтэхээ байх
нар харвах - наранд цохигдох, нарших
могой харвах - могой үсрэх
харвасан сум шиг - маш хурдан
ухаан харвах - түргэн ухаарах
бодол харван орж ирэх - юм бодож байтал санаандгүй нэгэн бодол орж ирэх
чийг харвах - чийгт нэрвэгдэх

Холбогдох зураг одоогоор алга байна.