ХАМХИХ  

1. Юмыг хавсрах, ам амсар хааж битүүлэх: номоо хамхих (номоо хаах), дэлгэрэнгүй...уутны ам хамхих (уутны амсрыг битүүлэх);

---

2. [шилжсэн] Дуугаа хураах: *амаа хамхих ~ эрүүгээ хамхих (хэл үггүй байх, ярианд оролцохгүй суух) -дэлгэрэнгүй... За чи юу ч болсон эрүүгээ хамхиад л сууж бай, чи зүгээр. Д.Батбаяр. Цахилж яваа гөрөөс., эрүү хамхилгүй хавшилдах (тасралтгүй хуцах, улих) - Нүүдэлчний хот бараагнан гал улалзаж … ноход эрүү хамхилгүй хавшилдана. П.Хорлоо. Багш., *ам хамхилгүй (зогсолтгүй, үргэлжлүүлэн) - Тасгийн даргыг шогшоод ирвэл чиний муу шүдгүй амд хоол болдог юм уу гэхээс бид л лав өл залгаж амжихгүй нь … гэж Чулуун ам хамхилгүй ярьсаар байв. Д.Цэдэв. Юуны хүү болдог бол;

---

3. [шилжсэн] Нүдээ аних - Хацрыг жадлавч харсан нүдээ хамхихгүй. Монголын нууц товчоо.

---

• номоо хамхих - номоо хаах
• уутны ам хамхих - уутны амсрыг битүүлэх
• амаа хамхих ~ эрүүгээ хамхих - хэл үггүй байх, ярианд оролцохгүй суух
• эрүү хамхилгүй хавшилдах - тасралтгүй хуцах, улих
• ам хамхилгүй - зогсолтгүй, үргэлжлүүлэн

Холбогдох зураг одоогоор алга байна.