Орсон амьтны хөлийг хавчин, явж чадахгүй болгох, тусгай төмөр хүрээ буюу уланд бэхэлсэн хоёр хавирга, тэдгээрийг дэлгэрэнгүй...босгож хавчих шахуурга бүхий уян хатан хос гараас бүрдэх ан агнах хэрэгсэл: хавхны гар (хавхны нурууг хамхих төмөр, хавхны хавчуурын торгоц), хавхны илбээс (хавхны улавч), хавхны нуруу (хавхны хавчуур), хавхны таваг (хавхны ул), хавхны тэвх (хавхны нурууг хөших мод), хавхны ул (хавхны доодох цагариг төмөр), хавхны улавч (хавх зүүхэд дор нь тавих дэвсгэр, хавхны ёроол), хавхны хуц (хавхны цамхаг), хавхны цамхаг (хавхны хавирга), хавхны чирүүл (хавханд чирэх юм), хавх зүүх (амьтны нүхний амсарт хавх байрлуулах) - Ням урьд өдөр зүүсэн хавхаа эргэж очив. Ц.Уламбаяр. Зовлон жаргал., хавх тавих (хавх зүүх), хавханд орох (а. Ан амьтан хавханд хавчуулагдах; б. [шилжсэн] Бусдын арга мэхэнд автах), хавханд унах (а. Хавханд орох; б. [шилжсэн] Бусдын арга залинд хууртах), тарваганы хавх (тарвага барихад зориулсан хэрэгсэл), чонын хавх (чоно барихад зориулсан хэрэгсэл), хавх тор [хоршоо] (ан амьтан барих занга) - Хавх торонд орсон оготныг харав. А.Толстой. Мөнгөн ноён., хавх урхи [хоршоо] (ан амьтан барих хэрэгсэл) - Хавх урхи зүүгээд зурам агная. Д.Содномдорж. Түм буман хүүхэд., хавханд орсон гөрөөс, тавагт орсон мах [зүйр цэцэн үг] (хүний эрхэнд орсон гэсэн санаа), түдэн хавх [ургамал] (цахирмаатан овгийн булцуу үндэстэй Монголд ганц зүйл байдаг ургамал).
