ҮМХЭХ  

1. Амандаа нэгмөсөн хийх, амандаа зуух: чихэр үмхэх (чихэр идэх), мах үмхэх (махнаас дэлгэрэнгүй...тасалж амандаа хийх), загас үмхэх (загас дэгээний үзүүрийг амандаа хийх) - Энд илбэчин гал үмхэж тоглож байна. Ч.Чимэд. Түүвэр., *амаараа шороо үмхэх (а. Хүнд хууртагдах, мэхлэгдэх; б. Хүнд байдалд орох, туйлдаж зүдрэх) - Харин эднийг шороо үмхтэл хуурч цаг хожих учиртай юм. Б.Нямаа. Арандалынхан., *бүлх үмхсэн мэт (ямар ч яриа хөөрөөгүй, юу ч ярихгүй) - Бат гайхахын эрхэнд нүдээ арчиж байн байн түүнийг хараад хэлэх үггүй бүлх үмхсэн мэт гөлөлзөн зогсов. Ц.Дамдинсүрэн. Түүвэр зохиол., үмхэхэд үргүй нь дээр, үхэхэд үртэй нь дээр [зүйр цэцэн үг] (үр хүүхэд эрхэм гэсэн санаа);

---

2. Бахь мэтийн багажийн хазуурын хазах, чимхэх: үмхэх хазах [хоршоо] (бахь өрөлбө мэт юмны хазуураар хавчих, зуух).

---

• чихэр үмхэх - чихэр идэх
• мах үмхэх - махнаас тасалж амандаа хийх
• загас үмхэх - загас дэгээний үзүүрийг амандаа хийх
• амаараа шороо үмхэх - а. Хүнд хууртагдах, мэхлэгдэх; б. Хүнд байдалд орох, туйлдаж зүдрэх
• бүлх үмхсэн мэт - ямар ч яриа хөөрөөгүй, юу ч ярихгүй
• үмхэхэд үргүй нь дээр үхэхэд үртэй нь дээр - үр хүүхэд эрхэм гэсэн санаа
• үмхэх хазах - бахь өрөлбө мэт юмны хазуураар хавчих, зуух

Холбогдох зураг одоогоор алга байна.