1. Замд хөндөлсөх өндөр агаад давахад хэцүү, бартаа бүхий нуруу газар: даваа давах (давааг даван дэлгэрэнгүй...өнгөрөх) - Үгүй тэгээд дахиад даваа давах гэж зовж явснаас танай гэрийн гадаа майхнаа барьчихъя. Р. Ганбат. Ажнайн өндөр даваа., давааны ар (уул давааны хойд этгээд) - Тамхи татахгүй, гал гаргахгүй явсаар Хонгор морьтын давааны адагт Сүхбаатартай уулзсан юм. Д.Сүхбаатарын тухай дуртгалууд., давааны бэл (давааны хормойн дээд этгээд), давааны орой (давааны хамгийн дээд этгээд) - Хайгуул баруун хойт зүгийг барин явсаар үүрийн гэгээний эхний цайвар туяа зүүн уулсын орой дээгүүр өнгийн цацрах үед давааны орой дээр гарвал тэртээ доор аманд хүн малын үлэмж чимээ сонсогдож байлаа. Ч. Лодойдамба. Тунгалаг тамир., давааны өвөр (давааны урд этгээд) - Би морио хөтөлсөөр давааны өвөр рүү лавхан өнгийгөөд нэг бөөрөг дээр хүрч, бүсээ тайлж цулбууртаа залгаад морио ногоо хазуулж суулаа. С.Доржпалам. Яргуй дэлгэрэх цагаар., давааны хэц (давааны орой, нурууны цавчим бэрх өндөр газар), давааны зам (даваа давах зам харгуй) - Тэр насан турш юунаас ч айж үзээгүйн дээр хэр баргийн ажилд хажуудаа хань дагуулдаггүй, өвөл адуу мал хөөж явахдаа давааны зам боогдвол морьдыг ганц нэгээр үүрч гаргадаг юмсанжээ. Т. Султаан. Сүмбэр уулс., давааны хяр (давааны орой нурууны журам), давааны энгэр (давааны өвөр этгээд) - Давааны энгэрт тэр дүрвэж л байна. Д.Цэдэв. Айргийн амт., нам даваа (бага зэргийн өгсүүр даваа), өгсүүр даваа (нэлээд огцом даваа, алсаасаа өндөр даваа), хэцүү даваа (давахад бэрх уул нуруу) - Ай энэ ямар хэцүү даваа вэ? Р. Чойном. Хүн., өндөр даваа (зам давах хэц нь их дээр байх даваа) - Тийнхүү баруун өмнө зүгийг чиглэн гараад, Туулын баруун гүүрийн адгаас чөдөртэй морь, гүү хоёрыг хулгайлан авч унаад, зүүн өмнө зүг гавшгайлан явсаар өндөр даваа хүрэхэд үүр цайлаа. Ц. Дамдинсүрэн. Гологдсон хүүхэн., даваа гүвээ [хоршоо] (овон товон өндөрлөг газар) - Чуу мэргэний нийт оносныг хоёр улсын эзэн сайд жанжин цэрэг сул ардад хүртэл цөм дуу алдалцан магтан сайшааж дуудалцах дуунд даваа гүвээ анирлаж салхи уруу арван газар давтан сонстов. В.Инжаннаши. Хөх судар., уул даваа [хоршоо] (уул болон түүнийг давах хэсэг) - Машины дөнгөж гарч эхэлсэн зам, утасны мод дагаад уул даваа хичнээнийг давж, ус гол хичнээнийг гаталсныг яаж мэдэхэв. Б. Бааст. Уйтай сэрүүн намар., давааны цаанаас тархидах [зүйр цэцэн үг] (нүднээс далдуур муулах, эчнээ загнах);
2. [шилжсэн] Үйл явдлын эхлэх цэг, зааг дээр:
үхдэгийн даваан дээр (үхэхийн босгон дээр; үхэх шахан байж)
дэлгэрэнгүй...- Гамингууд өөрийн ухаангүй болтол нь балбаад үхлийн даваан дээр ирэхээр нь дамнан авчирч шоронгийн мухарт хаяна. Д.Намдаг. Цаг төрийн үймээн;
3. Үйл болохын өмнөх агшин, өмнөхөн:
ирэхийн даваан дээр (ирэх гэж завдан байгаад болих),
болохын даваанд (болон
дэлгэрэнгүй...завдах үед), явахын даваанд (яг явах гэж байх агшинд) - Энх амгалан өдөр ирэхийн даваанд ийм сайхан залуу эр ингээд л үхчих юм даа. Б.Нямаа. Арандалынхан.
Ижил үг