Амар амгалан, амар төвшин, тайван: энх цаг (дайн самуунгүй амар тайван цаг) дэлгэрэнгүй...- Дайнд ялсан энх цагт бүтээсэн аль бүхнийг хэмжээлэхэд ч бэрх ээ. С.Эрдэнэ. Миний эх орон миний тоонот., энхийг сахиулагч (олон улсын хэмжээнд дайн хямралтай газарт очиж ажиллах НҮБ-ын элч төлөөлөгч) - Томоохон барилга байгууламж, гудамжуудыг энхийг хамгаалагчид хамгаалж байгаа ч хулгай дээрэм, хүний амь хөнөөсөн зэрэг хэд хэдэн ноцтой хэрэг бүртгэгдсэн байна. Өдрийн сонин., энх амар [хоршоо] (амар тайван, энх тунх) - Энх амар байхын төлөө гэж хундага өргөв. С.Удвал. Их хувь заяа., энх амгалан [хоршоо] (энх эсэн, өвчин зовлонгүй) - Энх амгалан жаргаж суув. Монголын нууц товчоо., энх мөнх [хоршоо] (эгнэгт амар амгалан байх нь) - Эвийг хичээж, журмыг сахиж энх мөнх амьдран суутугай. С.Дашдэндэв. Улаан наран., энх тайван [хоршоо] (дайн дажингүй, амар амгалан), энх төвшин [хоршоо] (энх тунх, амар амгалан) - Тийнхүү би хойд газрын нийтийг энх төвшин болгоно. В.Инжаннаши. Хөх судар., энх тунх [хоршоо] (энх мэнд, эрүүл саруул), энх эсэн [хоршоо] (эрүүл саруул, амьд мэнд), энх тунх өсөх (эрүүл саруул өсөх), энх цаг (дайн дажингүй тайван үе), энх мэнд [хоршоо] (өвчин зовлонгүй байх) - Эртнээс эдүгээ хүртэл өмнө хятад улсад эзлэгдээгүйн учир цөм өөр өөрийн аймаг аймгийн улсаа эзэлж, энх төвшнөөр эрмэг цагаа идэж, амтат арзаа ууж энх мэндээр жаргасаар иржээ. В.Инжаннаши. Хөх судар., энх тунх (өвчин эмгэггүй хэвийн сайхан байх); энх эрүүл (өвчин эмгэггүй жаргалтай амьдрах), энх жаргаж, мөнх наслах [зүйр цэцэн үг] (эрүүл энх явж урт наслах гэсэн санаа).
