ТОГЛОХ

1. Хүн зугаагаа гаргаж наадах: бөмбөг тоглох (бөмбөгөөр зугаацах, бөмбөгөөр наадах), даалуу дэлгэрэнгүй... (даалуугаар наадах), нуугдаж тоглох (бие биеэсээ нуугдаж наадах), хүүхэд тоглох (хүүхэд ямар нэг тоглоомоор өөрийгөө зугаацуулах), шатар тоглох (шатар тавих, шатар өрөх) - Балдан өвгөн орой үдэш зав л гарвал төмөр утасны оросууд дээр очиж шатар тоглоно. Б.Догмид. Цэнхэрлэн харагдана., мөрийтэй тоглох (мөрий тавьж наадах) - Мөрийтэй тоглох нь тоглож байв. Б.Нямаа. Арандалынхан., тоглох наадах [хоршоо] (янз бүрийн тоглоомоор зугаацах), тоглоод тоглоомоо даахгүй, тонгойгоод толгойгоо даахгүй цэцэн (гомдомтгой найздаа хэлэх хүүхдийн хэллэг), тоглож байгаад уйлах, тонгойж байгаад унгах [зүйр цэцэн үг] (тоглож чадахгүй тунирхах гэсэн санаа);


2. Мал, амьтны цовхорч тонгочин зугаагаа гаргах - Булаг ус нь оргилж ган гачгийг тайлсан, булга халиу тоглоод уулын чимэг болно. дэлгэрэнгүй... хурга ишиг тоглох (хурга, ишиг тонгочин, нааш цааш үсрэн өөрийгөө зугаацуулах);
3. Жүжиг, кино зэрэг урлагийн үзүүлбэрт оролцон жүжиглэх: гол дүрд тоглох (урлагийн ямар нэг үзүүлбэрийн гол дүрд жүжиглэх), дэлгэрэнгүй...
4. Хөгжмийн зэмсгээр наадах - Дайн Пантелейг хурим хийж баллайка хөгжмөө ид тоглон халууцаж байхад нь олов. Д.Гармаа. Хулан зээрд., морин хуур тоглох (морин хуураар хөгжимдөх), төгөлдөр хуур тоглох (төгөлдөр хуур дарах);
5. [шилжсэн] Доог, даажин хийх, хуурах - Хүн хүнээр тоглох нь байтугай, хүүхэд чулуугаар тоглодог цаг өнгөрсөн. Ц.Ням-Осор. Юу гэнээ хө., тоглож хэлэх (үнэнээсээ сэтгэлээсээ бус тоглоом болгон хэлэх) - Худал, худал, би тоглосон юм. Л.Ванган. Түүвэр зохиол;
6. [шилжсэн] Үрэн таран хийх, сүйтгэх, бусниулах: эд хөрөнгөөрөө тоглох (хурааж хуримтлуулсан хөрөнгө зөөрөө үрэн таран хийх).

бөмбөг тоглох бөмбөгөөр зугаацах, бөмбөгөөр наадах
даалуу тоглох даалуугаар наадах
нуугдаж тоглох бие биеэсээ нуугдаж наадах
хүүхэд тоглох хүүхэд ямар нэг тоглоомоор өөрийгөө зугаацуулах
шатар тоглох шатар тавих, шатар өрөх
мөрийтэй тоглох мөрий тавьж наадах
тоглох наадах янз бүрийн тоглоомоор зугаацах
тоглоод тоглоомоо даахгүй тонгойгоод толгойгоо даахгүй гомдомтгой найздаа хэлэх хүүхдийн хэллэг
тоглож байгаад уйлах тонгойж байгаад унгах тоглож чадахгүй тунирхах гэсэн санаа
хурга ишиг тоглох хурга, ишиг тонгочин, нааш цааш үсрэн өөрийгөө зугаацуулах
гол дүрд тоглох урлагийн ямар нэг үзүүлбэрийн гол дүрд жүжиглэх
жүжиг тоглох жүжиг найруулан тавих
кинонд тоглох киноны ямар нэг дүрд жүжиглэх
морин хуур тоглох морин хуураар хөгжимдөх
төгөлдөр хуур тоглох төгөлдөр хуур дарах
тоглож хэлэх үнэнээсээ сэтгэлээсээ бус тоглоом болгон хэлэх
эд хөрөнгөөрөө тоглох хурааж хуримтлуулсан хөрөнгө зөөрөө үрэн таран хийх