1. Төмөрлөгөөр хийсэн дундаа нүхтэй мөнгөн тэмдэгт: алтан зоос (алтаар цутгасан, алтаар шарсан мөнгөн дэлгэрэнгүй...тэмдэг, алтан төгрөг), зоосны нүхээр сүвлэх (зоосны нүхээр бултайсан махыг таслан авч алах ял), сохор зоосны үнэгүй (улаан мөнгөний үнэгүй), зоос зүй (зоосны үйлдвэрлэл, мөнгөн эргэлтийг зоос мөнгөний цутгавар зэргээр судалдаг түүхийн шинжлэх ухааны салбар), зоос мөг [ургамал] (хүрээ мөгтөн овгийн, ургамал; холимог ойн унанги мод мөчир, хөвх, бусад мөөгний үрт бие дээр ургана), зоос цэлдий [амьтан] (өвчүүндээ зоос мэт хар цагаан толботой нэгэн зүйл бялзуухай), зоос цэцэг [ургамал] (зоос мэт хүйстэй өнгө шар нэгэн зүйл цэцэг), алтан зоос [ургамал] (хээр тал, ой модон дотор буюу уулын гуу жалганд ургадаг, цэцэг нь улаавтар, бор эсвэл ягаан өнгөтэй байдаг өвс), *зоос гүйлгэх (зоосоор мэргэлэх), *зоосны нүхээр харах (бүхнийг ашиг хонжоо, мөнгөөр үнэлж цэгнэх), зоос ширээ (олон өнгийн утастай ээрүүлийг ишинд жин тэнцүүлсэн зоостой дугариг суурийн ирмэг дагуулан сөөлжүүлж тавин сүлжих монгол ардын нэхмэл хатгамлын урлал);