Байшингийн дээд этгээд, түүнийг өнгөлж бүрхсэн юм: дээвэр барих (дээвэр тавих), дээвэр дэлгэрэнгүй...мод (байшингийн адрын мод), дээвэр хуулах (дээвэр авах), дээвэр хоолой (тоононы цагаригт хүрч байгаа дээврийн дээд хөвөө), дээвэр хормой (дээврийн доод хөвөө), байшингийн дээвэр (байшингийн оройн бүрхүүл хэсэг), вааран дээвэр (шаазан ваараар хийсэн дээвэр), дэлхийн дээвэр (дэлхийн хамгийн өндөр уул), гэрийн дээвэр (гэрийн гадуур, унины дээгүүр хучих дулаалга), нэг дээвэр дор (нэг гэрт), хөвөнтэй дээвэр (гэрийн дээр тавих хөвөнгөөр хийсэн хучлага), эсгий дээвэр (гэрийн дээр тавих эсгий хучлага), дээврийн цонх (байшин зэргийн дээвэрт гаргасан цонх), адар дээвэр [хоршоо] (тааз, дээд талын бүрхүүл халх) - Дэрвээд байгаа дээврийг дээсний үзүүрээр тогтооно. Монгол ардын дуу.