Хүний толгойд ургуулсан урт үс: гэзэг гөрөх (гэзэг сүлжих), гэзэг тавих (үс гэзгээ дэлгэрэнгүй...ургуулах), гэзэгний боолт (гэзэгний үзүүрийн чимэг), гэзэгний даруулга (гэзгийг шилний тус газраар хавчих чимэг), гэзэгний залгаа (гэзэгт залгах хиймэл үс), тав гэзэг (эрэгтэй хүмүүс, эмэгтэй хүүхдийн толгойн оройд үлдээж ургуулсан үс гэзэг) - Дээр үед лам хуврага биш жирийн хар хүн болгоё гэсний үүднээс эрэгтэй хүүхдэд тав гэзэг тавьж өгдөгсөн. Д. Цэдэв. Гал голомт буюу Нутаг нугын минь шивнээн., тэвэг гэзэг (хүний үс авахдаа толгойн оройд үлдээсэн урт бут үс), гэзэг үс ~ үс гэзэг [хоршоо] (хүний үс болон түүнийг сүлжсэн нь) - Хүүхэн, гэзэг үс, хувцас хунараа засаж янзлах зуураа... Ш.Гаадамба. Элбэг дээл., гэзэг тавин хэлэлцэх [хуучирсан] (асуудлыг дуустал хэлэлцэхгүй түр орхих), гэзэг цэрэг [хуучирсан] (арын цэрэг, арын сэргийлэх), *гэзэг татах (хуримын зан үйл), *хулгай гэзэг (толгойн хонхор шилний дээдхэн хэсэг газар), *гэзэг дарах (юмны хойноос ойрхон бараадан хөөх) - Галдан бошготын ойрд морин цэргийг ялан ухруулсаар гэзэг даран нэхжээ. Б.Ринчен. Ану хатан.