1. Булт, цөм, бүхэн - Бүгдээр за гэлцэж буцаж эрэхээр явав. Монголын нууц дэлгэрэнгүй...товчоо., бүгд дуулах (цөмөөр дуулах), бүгд унтах (цөм унтах) - Бүгд үхсэн юм шиг зэрэг унтахыг цээрлэ! С.Удвал. Их хувь заяа., бүгдээр явах (цугаар явах), бүгдээр хэлэлцэх (бултаар хэлэлцэх), бүгд хурал (аливаа хороо, байгууллагын бүх гишүүд оролцох хурал), шалгах хүрээний бүгдийг захирагч түшмэл [хуучирсан] (шалгах хорооны элдэв бэлтгэл ажлыг хамаарах түшмэл), бүгдийг бүртгэгч сайд [хуучирсан] (дотоод жагсаалыг захирах яамны хэргийг бүгд захирах сайд), бүгдийг байцаах яамны тэмдэглэгч [хуучирсан] (бүгдийг байцаах яамны тэнхимийн хэргийг хамаарах түшмэл), бүгдийг харж үйлдүүлэх бүгдийг бүртгэгч түшмэл [хуучирсан] (аливаа бичиг үйлдэх, хүрээний тэргүүлсэн сайд), бүгдээр хэлэлцвэл буруугүй, бүлээн усаар угаавал хиргүй [зүйр цэцэн үг] (олуул ярилцаж санал бодлоо нэгтгэх нь хамгийн чухал гэсэн санаа), бүгдийн эхэн эх, бүтээхийн эхэн эв [зүйр цэцэн үг] (а. Эв эеэ нэгтгэж чадвал бүтээх байгуулах үйлд амжил олно гэсэн санаа; б. Эхийн ачийг санаж, хариулж явахыг сургамжилсан хэллэг), бүгдээрээ дуртай бол бүтэхийн тэмдэг [зүйр цэцэн үг] (олуул сэтгэл нийлбэл ямар ч үйлийг бүтээж чадна гэсэн санаа);