Tаних шинж: Иш 8-30 см өндөр, сууриасаа эхлэж салаалсан, мөчир ташуу өөдөө чиглэсэн, мөчрийн урт иштэйгээ тэнцvv. Навч 1-3 см урт, 0.3-1.5 см өргөн, урт бариултай, гонзгойвтор юмуу гонзгой-өндгөн, vзvvр мохоо, ирмэгээрээ дугуйвтар шvдтэй. Цэцэг зургаагаараа нэгдэж ишин дээрээ тойруулга vvсгэн байрладаг. Цэцгийн дагавар навч гонзгойвтор, 3-5 шvдтэй. Цоморлиг 7-9 мм урт, хоёр уруултай, дээд уруул 1/3 -гээ хvртэл цуулбар, өргөн салбантай, доод уруулын шvд юлдэн хэлбэртэй, цоморлигийн бvх салбан хурц vзvvртэй. Дэлбэ 12-20 /22/ мм урт. Тоосовчны шилбэ нvцгэн юмуу маш бага vслэг. Тархалт: Хөвсгөл, Хэнтий, Хангай, Монгол Дагуур, Ховд, Монгол Алтай, Дундад Халх, Дорнод Монгол, Их нууруудын хотгор, Олон нуурын хөндий, Дорнод Говь, Говь Алтай, Алашааны Говь. Дундговьд: Бvх сумдын нутгаар ургана. Ургах нөхцөл: Ойт хээр, хээр, говийн бvсэд голын эрэг, хайрга, ам хавцал, байц хадны ёроол, нуранга, элсэрхэг хээр, чулуурхаг ба хайргат хажууд ургана.

Зочин 2018-07-17 04:04:35