1. Тэргүүн болох, даргалах, манлайлах, толгойлох - Ноён аав хошуу нутгаа захлан одож, хатан ээж гэр ахуйгаа дэлгэрэнгүй...тэргүүлэн, авааль эхнэр нь ч хошуу олноо манлайлж төрийн ёсыг баримтална. З.Баттулга. Уяхан Замбуутив., албан газар тэргүүлэх (албан газрыг удирдан авч явах), өрх тэргүүлэх (айл гэрийн эзэн болж аж амьдралаа авч явах), удирдан тэргүүлэх (удирдан жолоодох), тэргүүлэн орох (хамгийн түрүүнд нь орох), тэргүүлэн явах (манлайлан явах), тэргүүлсэн алтан хөөрөг (өөрсний эгшигтийн аймгийн гууль, хүрэл, зэсээр цутгаж хийдэг цохивор хөгжмийн зэмсэг, нэг өлгүүрт нэг алтан хөөрөг өлгөж бүгд арван хоёр алтан хөөрөг жагсаан тавьж хөгжимдөнө), тэргүүлсэн хас туурга [хөгжим] (нэг өлгүүрт нэг иж хас туурга хэмээх нимгэн чулуун ялтас өлгөж цохих хөгжмийн зэмсэг), тэргүүлэх зэрэг (тодорхой нэг мэргэжлийн мэдлэг, чадвар, дадлага туршлагыг харгалзан өгөх цол), тэргүүлэх салбар (улс орны хөгжил, нийгэм эдийн засагт зонхилох үүрэг гүйцэтгэх салбар);