1. Юм эмжих, хөвөөлөх, чимэглэхэд хэрэглэх тусгай нарийн зурвас чимэглэлийн эд - Саран, цүнхээ нээж, торгон дэлгэрэнгүй...туузаар ороосон гоё хайрцагтай чихэр гаргаж хүүдээ сарвайв. С.Эрдэнэ. Хонгор зул., туузаар эмжих (гоёмсог өнгийн нарийн зурвас эдээр хөвөөлөх), туузан хөшиг (нарийн зурвас эдүүдийг эгнүүлэн үйлдсэн хөшиг), үсний тууз (охидын үсээ чимэглэн боох, олон өнгийн нарийн зурвас эд) - Толгой дээрээ том улаан тууз цэцэглэн уясан дөрөв тав орчим насны охин ажээ. Л.Дашням. Бурхантын цэцэг;