Ашиг бүхий: ашигт ажиллагаа (харилцан ашиг тустай ажиллагаа), ашигт багтаамж (ашигт дэлгэрэнгүй...юмны эзлэх хувь хэмжээ), ашигт баялаг (үр өгөөжтэй, хэрэгцээтэй баялаг) - Ашигт их баялгийг малтан хурааж байна. Ч.Лхамсүрэн. Шүлгүүд., ашигт малтмал (газрын хэвлийд үүсэн бий болсон байгалийн байдлаараа байгаа эрдэс бодисын хуримтлал), ашигт малтмал ашиглах (газрын гадаргуу, түүний хэвлий, хүдрийн овоолго, хаягдал, байгалийн уснаас ашигт малтмал ялган авах, олборлох, ашигт агуулгыг нь нэмэгдүүлэх, таваарын бүтээгдэхүүн үйлдвэрлэх, борлуулах болон холбогдох бусад бүхий л үйл ажиллагаа), ашигт малтмал хайх (ашигт малтмалын хуримтлал байгаа эсэхийг тодорхойлох, байршил хэмжээг нь тогтоох зорилгоор газрын гадаргуу, түүний хэвлийд үйл ажиллагаа явуулах, түүнчлэн ашигт малтмалыг ашиглах боломжийг судалж, техник эдийн засгийн үнэлгээ хийх, суваг шуудуу татах, ил ба далд малталт хийх, өрөлцөх, сорьц авах, шинжлэх, үйлдвэрлэлийн туршилт, геофизикийн судалгаа хийх, зайнаас тандах зэрэг үй ажиллагаа явуулах), ашигт ургамал (хүнс тэжээл, эм үйлдвэрлэхэд хэрэглэх байгалийн ургамлын зүйл).