1. Юмны огцом нугалаа гарч чигээ өөрчилсөн байдал, махир: тахир гудамж (мурий гудамж, нааш цааш дэлгэрэнгүй...тахиралдсан гудамж), тахир хөл (мурий хөл, майжгий хөл), тахир гол (а. Мушгиран урсах гол; б. Машины нэгэн сэлбэг), тахир сэлэм (шулуун бус бага зэрэг мурий хэлбэртэй сэлэм); тахирыг нь засах (мурийг нь засах); бохир тахир [хоршоо] (бохир тохир, шулуун бус), мурий тахир [хоршоо] (юмны нааш цааш хазайсан, шулуун бус байдал), тахир мухир [хоршоо] (юмны дугуй мурий тогтоцтой, шулуун бус байдал), махир тахир [хоршоо] (тахир мухир); тахир татуу ~ тахир дутуу [хоршоо] (ямар нэг эрхтний хөгжил дутуу, хөгжлийн бэрхшээлтэй) - Хөөрхий энэ ямар тахир дутуу амьтан энд үхсэн юм бол. Монгол ардын үлгэр., тохир тахир ~ тахир тохир [хоршоо] (юмны мурий, далиу байдал), тахир модоор юм хийхэд бэрх, яхир хүнээр хань хийхэд бэрх [зүйр цэцэн үг] (зан муутай хүнтэй хамтарч ажиллахад хэцүү гэсэн санаа), тахир модыг сүх залах, яхир хүнийг үг залах [зүйр цэцэн үг] (ааш муутай хүний занг үгээр засдаг гэсэн санаа);