ТАРАГ

Хөөрүүлсэн сүүг исгэж хийх нэг зүйл цагаан идээ - Эх нь онхор онхор том аяганд цийдэм, тараг хийж бас ааруул дэлгэрэнгүй... Ш.Нацагдорж. Мандхай цэцэн хатан., тараг бүрэх (хөөрүүлсэн сүүнд хөрөнгө хольж сайтар самраад хавхаглан дулаан зүйлээр хучиж бүрэлдүүлэх) - Тогоо дүүрэн сүү хөөрүүлж торх дүүрэн өрөм хурааж суулга бүрдээ тараг бүрж сав бүгддээ аарц шүүнэ. Ц.Дамдинсүрэн. Түүвэр зохиол., тараг бүрэлдэх (бүрсэн тараг боловсрох), тараг сагах (тараг хэт их иссэнээс савнаасаа халин гарах), тараг шогших (тараг гашлах, ээдэх, тараг хэт исэж дуугарах), таргийн хөрөнгө (тараг бүрэхээр тарагнаас тасалж авсан хэсэг), таргийн бүлүүр (таргийг исгэхийн тулд бүрэх хэрэгсэл), элгэн тараг (сая бүрэлдээд хутгагдаагүй, зайлагдаагүй байгаа тараг, шинэхэн бүрэлдсэн өтгөн тараг), исгэлэн тараг (удаад исэж хатуурсан тараг), үйлдвэрийн тараг (үйлдвэрт бүрж хийсэн тараг), үнээний тараг (үнээний сүүгээр бүрсэн тараг), хонины тараг (хонины сүүгээр бүрсэн тараг), тараг зоог [хоршоо] (цагаан идээ, мах шүүс) - Ариун цагаан тараг зоог, амтат сайхан идээ жимс. Шүлэгч Лувсандондовын бүтээл., сүү тараг [хоршоо] (малаас гарах сүү идээ), тараг айраг [хоршоо] (малын сүүг бүрж, исгэж хийсэн цагаан идээний зүйл), *таргийн таван үнээ (амьжиргаанд дөнгөж хүрэлцэхүйц тооны мал) - Тэднийх таргийн таван үнээтэй ажээ. Ш.Нацагдорж. Мандхай цэцэн хатан.

тараг бүрэх хөөрүүлсэн сүүнд хөрөнгө хольж сайтар самраад хавхаглан дулаан зүйлээр хучиж бүрэлдүүлэх
тараг бүрэлдэх бүрсэн тараг боловсрох
тараг сагах тараг хэт их иссэнээс савнаасаа халин гарах
тараг шогших тараг гашлах, ээдэх, тараг хэт исэж дуугарах
таргийн хөрөнгө тараг бүрэхээр тарагнаас тасалж авсан хэсэг
таргийн бүлүүр таргийг исгэхийн тулд бүрэх хэрэгсэл
элгэн тараг сая бүрэлдээд хутгагдаагүй, зайлагдаагүй байгаа тараг, шинэхэн бүрэлдсэн өтгөн тараг
исгэлэн тараг удаад исэж хатуурсан тараг
үйлдвэрийн тараг үйлдвэрт бүрж хийсэн тараг
үнээний тараг үнээний сүүгээр бүрсэн тараг
хонины тараг хонины сүүгээр бүрсэн тараг
тараг зоог цагаан идээ, мах шүүс
сүү тараг малаас гарах сүү болон түүнийг исгэж хийсэн нэгэн зүйл ундаа
тараг айраг малын сүүг бүрж, исгэж хийсэн цагаан идээний зүйл
таргийн таван үнээ амьжиргаанд дөнгөж хүрэлцэхүйц тооны мал

Таргийг бог малын болон үхрийн сүүгээр хийдэг. Ингэний сүү, гүүний саамаар тараг бүрж болдоггүй. Тараг гэдэг нь богийн болон үнээний сүүг буцалгаад бүлээн болмогц хөрөнгө нэмж хутгаад бүрж хийдэг цагаан идээний нэгэн төрөл юм.

П.Даш2016-01-01 18:29:51