1. Өөдлөн дэгжихийн бэлгэдэл болгосон эрхэмлэн үзэх зүйл: төрийн сүлд (хуулиар баталсан улсыг дэлгэрэнгүй...
төлөөлөх бэлгэ тэмдэг) - Дөрвөн ойрадын төрийн их сүлд, та бүгдийг Ойрад сайхан нутгийн зах хүртэл тэтгэн ивээх болтугай! Б.Ринчен. Гүнж., цагаан сүлд (монголын үйлс ариунаар мандан бадрахын бэлгэдэл төрийн есөн хөхөлт туг) - Богд Чингис хаан усан морин жилтэй, дөчин таван өлзийдөө гал барс жил өвлийн сүүл сар Онон мөрний эхэнд есөн хөхөлт цагаан сүлдээ байгуулж тугтам хаан суувай. Гүн.Гомбожав. Гангын урсгал., хар сүлд (монголын нэгдсэн тулгар төр байгуулагдсан үеэс эхлэн хэрэглэж ирсэн дайсныг айлгах догшин зүс бүхий хар өнгийн хялгасаар хийсэн эртний монгол цэргийн туг), сүлд дуулал (а. Төрийн дуулал; б. Байгууллага, хувь хүн, нутаг усны шүтээн дуу - Зохиолч Алтай нутгийн сүлд дуулал болсон “Бүргэд” гэдэг алдарт найраглалаа 1959 онд бичжээ. “Цог” сэтгүүл), сүлд тэмдэг (улсын бэлгэ тэмдэг) - Зураас нь Их Наран улсын сүлд тэмдэг мэт харагдахад тун их бэлгэ дэмбэрэлтэй зүйл мэт санаж... байлаа. Ц.Уламбаяр. Зовлон жаргал., сүлд шүтээн (эрхэмлэн дээдэлж сүслэн бишрэх зүйл), сүлд модны наадам (шинэ жилийн баяр) - Сүлд модныхоо наадам хө, өвгөн ааваа дайлцгаая. Ж.Бадраа. Уяхан хорвоон хань;төрийн сүлд | хуулиар баталсан улсыг төлөөлөх бэлгэ тэмдэг |
цагаан сүлд | монголын үйлс ариунаар мандан бадрахын бэлгэдэл төрийн есөн хөхөлт туг |
хар сүлд | монголын нэгдсэн тулгар төр байгуулагдсан үеэс эхлэн хэрэглэж ирсэн дайсныг айлгах догшин зүс бүхий хар өнгийн хялгасаар хийсэн эртний монгол цэргийн туг |
сүлд дуулал | а. Төрийн дуулал; б. Байгууллага, хувь хүн, нутаг усны шүтээн дуу Зохиолч, Алтай нутгийн сүлд дуулал болсон Бүргэд гэдэг алдарт найраглалаа 1959 онд бичжээ. Цог сэтгүүл |
сүлд тэмдэг | улсын бэлгэ тэмдэг |
сүлд шүтээн | эрхэмлэн дээдэлж сүслэн бишрэх зүйл |
сүлд модны наадам | шинэ жилийн баяр |
биеийн сүлд | биеийн сүр жавхлан, цог |
сүлд жавхаа | сүр хүч, хийморь лундаа |
сүлд хийморь | цог заль, сүр жавхлан |
сүр сүлд | хийморь лундаа |
сүр сүлдгүй болох | бие дорой буурай болох |
цог сүлд | хийморь |
сүлд дуудах | сүнс, сүр хүчээ дуудах |
сүлд зайлах | ихэд айснаас арчаагүй, унхиагүй болох |
сүр сүлд нь болох | бахархан дээдлэх зүйл нь болох |
сүлд таарах | аз завшаан, нөхцөл тохиол гарах |
сүлд нь сүвээндээ орж, сүнс нь биеэсээ зайлах | ихэд айх |
сүлд өдөр | ажил үйлс бүтэмжтэй сайн өдөр |
сүлд гараг | ээлтэй гараг |
сүлд од | а. Долоон бурхан одны эхний од; б. Төрсөн од; в. Гэрэлт шүхэр одны доор байдаг од |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он