Сүйрэх үйлийн нэр, хохирол - Чамаас болж хэчнээн олон хүний амь сүйрэв дээ. Л.Түдэв. Улаан долгион., сүйрэл ихтэй (хохирол ихтэй) - Хүн төрөлхтөн түүхэндээ энэхүү дайн шиг аюултай, хохирол сүйрэл ихтэй, хорсол өшөөтэй, хүнд нүсэр дайныг нэг ч үзээгүй байлаа. Б.Бааст. Алтайн хөх дөнөн., сүйрлийн зам (уруудан доройтож, мөхөх зам), сүйрлийн дохио (их гарз хохирол болохын шинж), сүйрч сөнөх (их гай гамшиг учрах) - Өвчнөөс өрх айлаараа сүйрч сөнөсөн тэр газраас яаран сандран зайлан одов. Б.Ринчен. Заан Залуудай., аюул сүйрэл [хоршоо] (гамшиг зовлон тохиолдож хохирох нь), буурал сүйрэл [хоршоо] (доройтон сүйдэх нь), эвдрэл сүйрэл [хоршоо] (ямар нэгэн зүйл хэмхэрч устах нь).