1. Юмыг ашиггүй, дэмий үрэн таран хийх, эвдлэн бусниулах - Ингээд байн байн дээрэм хийж зүүн хязгаарыг сүйтгэх дэлгэрэнгүй...болжээ. С.Удвал. Их хувь заяа., айл сүйтгэх (айл бусниулах, айлын эд хөрөнгийг үгүй хийх) - Өмнө талд нь гамингууд буугаа зоож дөрвөн уулын амны айлуудыг сүйтгэж байлаа. С.Удвал. Их хувь заяа., гэмгүй амьтан сүйтгэх (гэмгүй амьтныг хөнөөх) - Хурганд орсон чоно шиг гэмгүй амьтдыг сүйтгэж байдаг ийм цэргийг би л үзээгүй. Б.Нямаа. Арандалынхан., мөнгө сүйтгэх (мөнгө үргүй зарах, мөнгө үрэх) - Тэгж мөнгөө дэмий сүйтгээд яах вэ? Ямар гай болоод байгаа биш, хэзээ ч хэрэг болно шүү дээ. Ч.Ойдов. “Их жанжин Сүхбатаар танаа”., ном сүйтгэх (ном урж тасдан үгүй хийх) - Хэвлэлийн байшингийн хоёр давхрын цонхоор орж ном цаас зэргийг норгон сүйтгэж байсан юм. Ж.Дамдин. Миний монгол., ой сүйтгэх (а. Ойн модыг хайр гамгүй огтлон авах; б. Ой хорхой шавжид идэгдэн ургахгүй болох; в. Ой мод гал түймрийн аюулд нэрвэгдэх), халдан сүйтгэх (хүч түрэн ирж бусниулах), хорлон сүйтгэх (санаатайгаар бусдын амь нас, эрх ашиг, эд хөрөнгө зэрэгт халдах, хор хүргэх) - Яриа цуурхал тарааж, улаантан гэгдсэн хүмүүсийг хорлон сүйтгэх, айлган сүрдүүлэх болов. Л.Түдэв. Улаан долгион., эвдэн сүйтгэх (бүтээн босгосон зүйлийг нурааж үгүй хийх) - Хотынхоо төв рүү барилга аажим босгохдоо түүх дурсгалтай байшин барилгыг эвдэн сүйтгэхгүй, хамгаалан хадгалах зорилготой нь нүдний өмнө илэрхий. Б.Ринчен. Өмнө этгээдэд зорчсон тэмдэглэл., сүйтгэх бусниулах [хоршоо] (хорлон түйвээх), бүрэлгэх сүйтгэх [хоршоо] (аливаа зүйлийг эвдлэн бусниулах, үгүй хийх), үрэх сүйтгэх [хоршоо] (эд зүйлээ ашиггүй, дэмий үрэн таран хийх), шатаах сүйтгэх [хоршоо] (эд юм зэргийг шатаан устгах);