1. Ном эрдэм сурах газар - Би юу ч гэсэн сургууль байгуулах газраа шав босгож, тулгын чулуу тавьж гал дэлгэрэнгүй...асаасан. П.Хорлоо. Багш., сургууль тарах (амралт эхэлж сурагч, оюутнууд гэр гэртээ харих) - Зуны эхээр сургууль тарж бид тус тусын орон нутаг ар гэртээ буцах болов. С.Эрдэнэ. Өгүүллэгүүд., сургууль төгсөх (сургуулиа дүүргэх, суралцаад дуусах) - Ирэх жил сургуулиа төгсөж багш болон тааралдсан бүхнийг бичиг үсэгтэй болгох хөгжүүн хүслээр дүүрэн байлаа. Ч.Лодойдамба. Тунгалаг Тамир., сургууль цуглах (жил бүрийн есдүгээр сарын нэгэнд сурагч, оюутнууд хичээлдээ явж эхлэх) - Сургууль цуглахаар багшдаа би аваачиж өгнө гэв. Д.Мягмар. Уянгын туужууд., сургуульд багшлах (сургуульд хичээл заах), сургуульд орох (сургуульд элсэх) - Би намар сургуульд орно. Б.Бааст. Алтайн цэцэг., сургуульд суралцах (сургуульд сурч, мэдлэг боловсрол эзэмших), сургуульд хуваарилагдах (ямар сургуульд сурахыг нь оноон өгөх), сургуульд явах (сургуульд сурахаар явах) - За Одгэрэл чи сургуульд явах гэж бодож байна уу? С.Удвал. Та бид уулзана., сургуулийн амралт (улирал бүрийн эцэст тодорхой хугацаанд амрах нь), сургуулийн багш (сургуульд ном заах хүн), сургуулийн захирал (сургуулийг удирдан зохион байгуулах хүн) - Харин Бат Архангай аймгийн төвийн сургуулийн захирлаар томилогдов. Ч.Лодойдамба. Тунгалаг Тамир., сургуулийн захиргаа (сургуулийг удирдан зохион байгуулах, аж ахуй, санхүүг зохицуулах хэсэг) - Түүнийг сургуулийн захиргаа хүлээн авч долоо наймдугаар ангийн хүүхдүүдтэй уулзуулсан. С.Лочин нар. Галтай залуу нас., сургуулийн дүрэм (сурагчдын заавал мөрдөх журам) - Сургуулийн дүрэм зөрчиж хэрэг үйлдсэн байвал чинь сургуулиас хөөнө шүү. Л.Содов. Хаврын нар., сургуулийн насны хүүхэд (6-18 насны хүүхэд), сургуулиас гаргах (сургуульд сургахгүй болгох) - Гэвч Соосойг сургуулиас гаргах гэсэн хүсэл нь санаснаар болж өгсөнгүй. “Цог” сэтгүүл., сургуулиас хөөгдөх (сургуулиас зайлуулах, явуулах) - Элдэв бусын үг яриа гаргавал сургуулиас хөөгдөнө гэж айгаад оролцсонгүй. Ц.Уламбаяр. Зовлон жаргал., багшийн сургууль (багш нарыг бэлтгэх сургууль) - Би Улаанбаатар хотын багшийн сургууль төгсөөд ирж байгаа хүн. П.Хорлоо. Багш., биеийн тамирын сургууль (биеийн тамирын мэргэжлийн хүн, биеийн тамирын багш нарыг бэлтгэх сургууль), дээд сургууль (дээд мэргэжилтэн бэлдэх сургууль) - Дараа нь дээд сургуульд орж дуртай мэргэжлээ эзэмшиж болно шүү дээ гэлээ. С.Лочин нар. Галтай залуу нас., жолоочийн сургууль (жолооч нарыг бэлтгэх сургууль) - Энд яваа хэдэн жолооч бол саяхан жолоочийн сургууль төгссөн. Н.Банзрагч. Зам., зуны сургууль (зун хичээллэх сургууль) - Зуны сургуулийн багш болж гэнэ. Б.Бааст. Хяруу унасан цагаар., мэргэжлийн сургууль (мэргэжлийн ажилчин бэлтгэх сургууль) - Энэ талаар мэргэжлийн сургуульд явуулах гэсэнд өөрөө нарийн мужаан болохоор шийджээ. М.Чойжил. Андын нутаг алсдахгүй., тусгай мэргэжлийн сургууль (тусгай мэргэжлийн ажилчин бэлтгэх сургууль), хөгжмийн сургууль (хөгжмийн төрөл бүрийн мэргэжилтэн бэлтгэх сургууль), хөдөө аж ахуйн дээд сургууль (хөдөө аж ахуйн салбарт ажиллах төрөл бүрийн дээд, дунд мэргэжилтэн бэлтгэх сургууль), ажил сургууль [хоршоо] (сурлага хөдөлмөр), сургууль соёл [хоршоо] (а. Эрдэм номд шамдаж соёлжих нь; б. Эрдэм номын газар) - Хар бага наснаас сургууль соёлын мөр хөөгөөгүй ч аймгийн төвд ноднинхон гурван сарын түр сургууль хийж‎ээ. Д.Цэдэв. Айргийн амт., сургууль ном [хоршоо] (сурч судлах ном болон түүнийг үзэх газар), хичээл сургууль [хоршоо] (а. Тогтмол цагт батлагдсан хуваарийн дагуу хийх сургууль - Өвлийн бэлтгэл, хичээл сургууль, шинэ цэргийг сургах ажил миний хувьд бага дарга байсныг бодвол улам их болсон. Г.Дүйнхэржав. Арилшгүй мөр; б. Эрдэм ном сурах газар), *сургууль хөөх (сургууль дамжин сурах, дэвжих);