СУРАГЛАХ

Энд тэндээс асуух, лавлах, сурвалжлах: сураглаж ирэх (сураг тавьж ирэх) - Ааваа хүн амьтан дэлгэрэнгүй... Н.Банзрагч. Зам., айл сураглах (эрж байгаа айлаа лавлан асуух) - Учраатай айлаа сураглаж урд Тамирын өмнө талд байгааг мэдэв. Ч.Лодойдамба. Тунгалаг Тамир., асууж сураглах (хүнээс асууж сураг тавих) - Асууж сураглан явсаар хүүгийнхээ байгаа газрыг арай гэж олж очив. С.Лочин. Сэтгэлийн өнгө., мал сураглах (алдсан мал хаагуур байж болох, алдуул мал харсан эсэхийг асууж лавлах), наймаа сураглах (наймаа байгаа эсэхийг асууж лавлах), нөхдөө сураглах (нөхдөө асууж лавлан, сураг тавих) - Гэх зэргээр энэ хоёр ярьж Ховдод явснаа дурсаж анд нөхдөө сураглаж байв. С.Удвал. Их хувь заяа., эрж сураглах (санаа тавин хайж лавлан асуух).

сураглаж ирэх сураг тавьж ирэх
айл сураглах эрж байгаа айлаа лавлан асуух
асууж сураглах хүнээс асууж сураг тавих
мал сураглах алдсан мал хаагуур байж болох, алдуул мал харсан эсэхийг асууж лавлах
наймаа сураглах наймаа байгаа эсэхийг асууж лавлах
нөхдөө сураглах нөхдөө асууж лавлан, сураг тавих
эрж сураглах санаа тавин хайж лавлан асуух